Калі ехаць ад Уселюба да Любчы, цераз Вераскава, тады па шляху будзе невялічкая вёсачка Войнава, дзе калісьці была сядзіба Наргелевічаў-Дыбоўскіх. Маёнтак не захаваўся, але якія-ніякія ягоныя адбіткі ўсё яшчэ можна паглядзець. Так у Войнаве ёсць могілкі сям’і Дыбоўскіх і Наргелевічаў, а таксама рэшткі бровара.
На гэтых невялікіх могілках, што месцяцца на ўскраіне былога сядзібнага парка, быў пахаваны Уладзіслаў Дыбоўскі. Арыгінальны помнік не захаваўся, замест яго ў 1994 годзе было ўсталявана сціплае надмагілле.
Побач ёсць таксама помнік Юльяну Феліксу Наргілевічу вышынёй каля 2,5 метраў і надмагілле Тадэвушу Наргілевічу. Гэтыя помнікі па форме імітуюць ствол дрэва з парэпанай карой.
Мяркуецца, што дзесьці на гэтым месцы раней стаяў і драўляны храм.
Сёння на месцы былой сядзібы Любчанскі філіял ААТ “Навагрудскія Дары”, – прадпрыемства цалкам абнесена капітальнай бетоннай сцяной, а там дзе быў сядзібны дом пабудаваны вытворчы будынак. Ніжэй кропка з адзнакай могілак на мапе:
У гэтым краі можна таксама паглядзець крыж на магіле Пуслоўскіх у Загор’е Сенненскім.
