Васілішкі – гэта буйная вёска ў Шчучынскім раёне, Гродзенскай вобласці, якая ад Ліды месціцца на адлегласці. Галоўная цікавостка ў Васілішках – гэта шыкоўны касцёл Святога Іаана Хрысціцеля ў архітэктуры позняга барока (ці віленскага барока).
Касцёл быў збудаваны пры кляштары дамініканцаў яшчэ ў 1769 годзе. Што цікава, каменны варыянт храма будаваўся на месцы драўлянага папярэдніка, які манахі-дамініканцы ўзвялі значна раней – у 1658 годзе (дата заснавання кляштара ў Васілішках).
Касцёл мае ўнутры трохнефавую структуру і плоскую падшыўную драўляную столь. Алтарная частка вырашана паўкруглай апсідай з адной сакрысціяй з паўднёвага боку.
Фасад храма відавочна падзелены на тры ўзроўні, якія крыху адрозніваюцца памерамі, але арганічна спалучаюцца пры дапамозе аднолькавых дэкаратыўных элементаў. Заканчваецца фасад фігурным франтонам паўкруглай формы.
Вядома, што пасля паразы паўстання 1830 года кляштар дамініканцаў у Васілішках быў скасаваны, а касцёл стаў звычайным парафіяльным. У 1868 годзе храм быў прымусова перададзены праваслаўнай царкве і нязначна перабудаваны.
У першай палове 20 стагоддзя, будынак павернуты каталікам, гэта адбылося прыкладна ў 1919 годзе. Крыху пазней, – з 1922 па 1928 касцёл рэканструяваны.
Перад уваходам на тэрыторыю храма была пабудавана трохарачная брама. Дакладная дата яе будаўніцтва – невядомая. Аднак стылістыка і форма паказвае на тое, што брама равеснік самога касцёла.
Цікавы факт: у 2005 годзе ў Васілішках, ля касцёла, быў усталяваны помнік Яну Паўлу II (падобныя скульптуры сустракаюцца і ў іншых касцёлах Беларусі: Мосар, Валожын, Войстам).
За будынкам касцёла Святога Іаана Хрысціцеля знаходзіцца плябанія і невялічкі ландшафтны парк – абавязкова прагуляйцеся па ім.
За савецкім часам касцёл у Васілішках зачынілі. Вернікам ён быў вернуты ў 80-ыя, зноў рэканструяваны і адкрыты для ўсіх ахвочых. Ніжэй кропка з адзнакай гэтай цікавосткі на мапе:
Літаральна за некалькі кіламетраў можна паглядзець яшчэ адзін касцёл – у вёсцы Старыя Васілішкі. Акрамя таго ў Шчучынскім раёне знаходзіцца ўнікальны для Беларусі абарончы храм Мураванка.
