Калісьці ў вёсцы Станькава стаяла ўражлівая сядзіба графа Эмерыка Гутэн-Чапскага. Сам палац не захаваўся да нашых дзён і быў часткова разбураны яшчэ ў час Другой сусветнай вайны. Затым на месцы руін палаца, ужо ў савецкі перыяд, узвялі цагляны будынак школы-інтэрната. Уявіць як выглядаў былы маёнтак Чапскіх можна па малюнках легендарнага падарожніка-мастака Напалеона Орды, а таксама старым здымкам пачатку 20 стагоддзя.
У адрозненне ад сядзібнага дома, шэраг пабудоў часоў Чапскіх захаваліся. Напрыклад унікальны будынак – бібліятэка “Скарбец”, які нагадвае хутчэй за сярэднявечны замак. Аднак у гэтым артыкуле спынімся падрабязней на руінах уязной брамы, якая вядзе ў сядзібу Чапскіх. На тэрыторыі паркавага комплексу такіх брам было як мінімум дзве (куды верагодней што 3), але ўбачыць сёння магчыма толькі тую што называлася "Менскай".
Іншая назва - Паўночная брама.
Уязная брама ў Станькава уяўляе сабой масіўную трехпролетную арку са спічастымі праёмамі. Цэнтральны праезд служыў для транспарту і конных, а два бакавыя для пешых. Пабудавана ў канцы 19-га стагоддзя, у перыяд паміж 1880-1890 гадамі.
Да брамы дабудавана вартоўня ці па-іншаму хатка-ахоўніка. Гэтыя будынкі аб'яднаны агульнай стылістыкай і архітэктурай з элементамі стылю неаготыка, падобны стыль прасочваецца і ў іншых будынках паркавага комплексу.
Бо брама знаходзіцца трохі далекавата ад былой сядзібы, то часта гэтае месца выпускаюць з-пад увагі. Аднак раю пачаць аглядную экскурсію па тэрыторыі комплексу менавіта адсюль.
Ёсць крыху інфармацыі і пра іншую браму, якая служыла галоўным уездам і называлася як “Негарэльская“. Яна размяшчалася з супрацьлеглага боку ад Менскай, побач з фамільнай капліцай-пахавальняй Чапскіх (з боку сённяшняй вуліцы Паркавай).
Размяшчэнне брамы на мапе:
Знаходзячыся ў Станькава зазірніце ў Свята-Мікольскую царкву на супрацьлеглым беразе. Больш цікавых месцаў і славутасцяў Беларусі на мапе.
