Нягледзячы на свой вялікі ўзрост, Слуцк амаль не можа пахваліцца старажытнымі будынкамі і архітэктурнымі помнікамі, адзінае выключэнне - гэта драўляная царква святога Міхала Арханёла. Гэты праваслаўны храм мае даволі туманную гісторыю будаўніцтва, таму дакладную дату яго ўзвядзення цяжка назваць. Большасць крыніц паказвае канец 18 стагоддзя ці 1795 год. Аднак і тут ёсць нюансы, па ўсёй бачнасці на месцы дзе сёння стаіць храм ужо была царква. Якую або разабралі, або перабудавалі, - у любым выпадку блытаніна.
Па архітэктуры слуцкі храм можна аднесці да народнага драўлянага дойлідства. Царква складаецца з 3 асобных зрубаў, кожны з якіх мае розную колькасць ярусаў і вышыню.
Трох'ярусная вежа-званіца прыбудавана да асноўнага аб'ёму ў сярэдзіне 19 стагоддзя.
На царкоўнай тэрыторыі на пачатку 90-ых пабудавалі невялікую каплічку з цэглы. Па архітэктуры з Міхайлаўскай царквой яны крыху дысануюць.
Яшчэ адна значная падзея, якая адбылася ў 1990 годзе, - слуцкая царква атрымала статус кафедральнага сабора.
Як і большасць храмаў на тэрыторыі Беларусі, за савецкім часам царкву закрылі. З 1934 года будынак выкарыстоўвалі пад гаспадарчыя патрэбы, але нягледзячы на гэта службы імкнуліся праводзіць, нават падчас вайны.
Галоўная гістарычная славутасць Слуцка знаходзіцца на вуліцы Сацыялістычная 88, ніжэй адзнака на мапе:
Калі будзеце ў гэтых краях, то рэкамендую з'ездзіць таксама ў Салігорск, а таксама наведаць былую сядзібу Вайніловічаў у Макранах..
