Вёска Бароўка, Віцебскай вобласці, - гэта своеасаблівы прыгарад Верхнядзвінска, дзе ёсць некалькі невялікіх славутасцяў. Мабыць галоўная з якіх - гэта праваслаўная царква святой Еўфрасінні Полацкай, пабудаваная ў першай палове 19 стагоддзя.
Храм у Бараўцы мае даволі традыцыйную архітэктуру з элементамі стылю класіцызм. Будаваць будынак пачалі ў 1840, а скончылі ў 1844 годзе. З 1930 года царква зачынена.
У савецкі час тут размяшчаўся склад для ўгнаенняў, затым мясцовы клуб і нават будаўнічая майстэрня. Пасля таго як царкву вярнулі вернікам у 1992 годзе, пачалася рэканструкцыя. За час гэтых работ быў адноўлены іканастас, адрамантавана вежа-званіца, атынкаваны сцены і заменены вокны.
Сёння храм дзеючы, размяшчаецца на галоўнай вуліцы вёскі, ніжэй адзнака на мапе:
Калі будзеце ў гэтых краях, то рэкамендую з'ездзіць у Лявонпаль, дзе можна паглядзець сядзібу Лапацінскіх і мемарыяльную калону 1791 года. Таксама варта ўзяць на нататку неагатычны храм у Сар'і, які дарэчы таксама будавалі Лапацінскія.
