Калі вы даехалі да памежнага мястэчка Друя, што ў Браслаўскім раёне, то пасля агляду велічнага касцёла і іншых цэнтральных цікавостак не спяшайцеся з’язджаць адразу. Бо на паўднёвай ускраіне Друі знаходзіцца адзін з найстарэйшых некропаляў Беларусі, на якім захавалія ўнікальныя каменныя мацэвы, – гэта яўрэйскія могілкі 16 стагоддзя.
Могілкі ў Друі былі заснаваны яшчэ ў 1542 годзе, таму гэта безумоўны сапраўдны музей пад адкрытым небам.
Гісторыя Друі анулам цесна звязана з яўрэйскай культурай. Яшчэ ў даўнія часы, Сапегі (былыя ўладары Друі, пры якіх тут нават замак быў) запрасілі сюды гандляроў і рамеснікаў, таму яўрэйская абшчына пашыралася і складала вялікую частку ад насельніцтва мястэчка.
Галоўная асаблівасць друйскага некропаля, – гэта мацэвы (вертыкальныя каменныя надмагілля). Большасць з іх высечаны са звычайных валуноў, якія ледавік калісьці занёс на землі Браслаўшчыны.
На некаторых мацэвах у Друі цудам захаваліся адбіткі фарбы. Як разумееце, для сённяшніх яўрэйскіх могілак Беларусі гэта рэдкасць.
Лакацыя вельмі фотагенічная, але лепш за ўсё прыязджаць сюды альбо раніцай, альбо перад захадам сонца. Схіл пагорка даволі стромкі, таму паклапаціцеся пра зручны абутак, ну і беражыцеся кляшчоў.
View this post on Instagram
Ніжэй кропка з адзнакай могілак на мапе:
Па шляху можна заехаць у вёску з дзіўнай назвай Яя і паглядзець возера Божае Вока.
