У вёсцы Раготна каталіцкі прыход існаваў яшчэ з пачатку 15 стагоддзя, тады ж і пабудаваны першы касцёл. Той храм быў драўляны і прастаяў да 1656 года, пакуль яго не спалілі падчас вайны. На месцы папярэдніка ўзвялі новы касцёл, які напаткаў аналагічны лёс, але ўжо ў вайне 1700 года. Так гісторыя падводзіць нас да этапу, калі ў Раготна з'явіўся сучасны каменны касцёл святых Анёлаў-Ахоўнікаў.
Раготнскі касцёл вылучаецца вельмі незвычайным фасадам, больш уласцівым для тэатраў ці палацаў. Масіўны порцік на 6 калонах, завяршаецца фронтам з дзвюма вежамі-званіцамі. Архітэктуру храма можна аднесці да стылю позняга класіцызму.
Асноўны аб'ём пабудовы прамавугольны, завяршаецца невялікай сакрыстыяй. Унутры храм падзелены на тры нефы.
Пасля паражэння паўстання 1863 года касцёл пераасвяцілі ў праваслаўную царкву Раства Багародзіцы. Пасля далучэння Раготны ў 1921 годзе да Польшчы, будынак вернуты католікам.
Пасля заканчэння Другой сусветнай вайны касцёл зноў зачыняюць, а ў сценах храма па загаду савецкай улады размесцяць збожжасховішча. Вернікам пабудову вернуць толькі ў 1989 годзе.
Перад уваходам на касцёльную тэрыторыю стаіць аднаарачная брама-званіца да якой прымыкае агароджа з бутавага каменя. Хутчэй за ўсё брама будавалася адначасова з касцёлам, у сярэдзіне 19 стагоддзі. А вось агароджа магчыма з'явілася пазней, калі верыць закладному каменю, то ў 1916 году.
Касцёл размешчаны ў самым цэнтры аграгарадка, да яго вядзе вуліца Кастрычніцкая.
Па шляху ў Раготна можна паглядзець прыгожы неабарочны касцёл у вёсцы Дварэц. Таксама па магчымасці варта заехаць у Дзятлава, там вас чакае яшчэ адзін каталіцкі храм и сядзіба-палац Радзівілаў.
