У Астравецкім раёне ёсць цікавы аграгарадок Міхалішкі, дзе ўсе жадаючыя могуць паглядзець унікальны касцёл з багатым інтэр'ерам і шыкоўнымі барэльефамі. Першыя згадкі пра мястэчка адносяцца яшчэ да першай паловы 16 стагоддзя, а ўжо калі землямі валодаў Ян Бжастоўскі (пачатак 17 стагоддзя) у Міхалішках быў заснаваны кляштар аўгусцінаў.
Будынак касцёла Святога Міхала Арханёла датуецца 1653 годам (у некаторых крыніцах сустракаецца дата 1684). Лічыцца што ініцыятарам будаўніцтва быў сын Яна Бжастоўскага - Цыпрыян Павел.
Для праектавання касцёла запрасілі бельгійскага архітэктара - Крыштафа Пенса. Па выніку яго працы атрымаўся ўнікальны ўзор так званага сармацкага барока.
Аскетычны храм з масіўнымі двух'яруснымі вежамі і амаль без дэкаратыўных вонкавых элементаў хавае ад усіх дзіўны інтэр'ер.
Кампактны аднанефны касцёл вылучаецца багаццем барэльефаў і ляпніны. Амаль усе сцены храма ўпрыгожаны матывамі на рэлігійныя тэмы, скульптурамі святых, арнаментамі з раслін і нават цмокаў.
Абавязкова звернеце ўвагу на залаты амбон з арлом (герб роду Бжастоўскіх).
Канешне асоба вылучаецца галоўны алтар.
У вежах касцёла знаходзяцца капліцы, у правай з пахаваннем Котвічаў, а ў левай - Бжастоўскіх.
Кляштар у Міхалішках з'явіўся ў далёкім 1622 годзе, цікава што манахі-аўгусціны былі даволі рэдкія госці на землях Беларусі, Папа Пій V у свой час прылічыў аўгусцінаў да чатырох ордэнаў жабракоў.
З 1832 года кляштар аўгусцінаў быў закрыты, а касцёл стаў звычайным парафіяльным. Большасць манастырскіх пабудоў з часам разабраны.
Па сваёй архітэктуры касцёл у Міхалішках вельмі нагадвае Засвірскі храм, які з'явіўся пры ордэне кармелітаў. У абодвух храмах асаблівай увагі вартая ўваходная група. Замест звыклых ворных дзвярэй, аскетычны барбакан, які раней выконваў ахоўную функцыю.
У нішы гэтага барбакана размяшчаецца статуя Ісуса Хрыста.
Вакол касцёла агароджа з бутавага каменя з двухарачнай брамай і каванай агароджай.
На ўскраіне аграгарадка можна паглядзець каталіцкую капліцу 1857 года. Ніжэй кропка з месцам, дзе знаходзіцца касцёл:
Калі будзеце ў гэтых краях рэкамендую таксама заехаць у Кемелішкі і Быстрыцу.
