Акрамя класічных славутасцяў, у Беларусі хапае цікавых прыродных аб'ектаў і мясцін. Напрыклад у вёсцы Карпілаўка, Лагойскага раёна, можна ўбачыць 600-гадовы дуб. Гэта не проста дрэва, а цэлы "літаратурны герой" ці нават хутчэй муза? Справа ў тым, што ў Карпілаўцы доўгія гады жыў Антон Іванавіч Лявіцкі, вядомы пад літаратурным псеўданімам Ядвігін Ш. Адзін з яго апавяданняў "Дуб-дзядуля", як раз апісвае старадаўні дуб, які захаваўся сёння.
Дрэва цікава не толькі сваімі памерамі, але і энергетыкай. Як невялікае пацвярджэнне - сюды ўжо пратаптана народная сцежка.
На галінках людзі пакідаюць каляровыя і нацыянальныя стужачкі, а таксама часта выконваюць рытуал - імкнуцца абняць векавы дуб. Па легендзе, у абнялага выканаецца запаветнае жаданне.
Сама сядзіба роду Лявіцкіх не захавалася ў Карпілаўцы, але на месцы дзе стаяў дом устанавілі памятны камень.
На жаль, старажытнае дрэва некалькі гадоў таму моцна пацярпела. Адмыслова ці па дурасці, хтосьці расклаў вогнішча прама ў самога ствала.
Побач з Дубам-дзядулем стаіць ДАК пад стратэгічным нумарам 193, які ўваходзіў у лінію мінскага ўмацаванага раёна. Ён зможа паслужыць для вас арыенцірам, ад яго да дрэва ўсяго метраў сто.
Вёска Карпілаўка знаходзіцца побач з трасай Р58, паварот на дарогу H8784, ніжэй адзнака на карце:
Недалёка ад гэтых мясцін можна наведаць касцёл і былую сядзібу Бароўскіх у Лукаўцы.