Пасёлак з прыгожай назвай Уселюб знаходзіцца ў Навагрудскім раёне і вядомы яшчэ з першай паловы 15 стагоддзя. Тутака ёсць увесь набор класічных славутасцяў і цікавостак, акрамя таго ва Уселюбе часткова захаваліся пабудовы часоў роду О’Руркаў. Аднак сам сядзібны дом, які заклаў яшчэ Іосіф Карнілавіч О’рурк, на жаль знік, – ён цалкам згарэў у 2013 годзе. Са старых шляхецкіх будынкаў сёння можна паглядзець флігель, свіран, часткі гаспадарчага падворка, капліцу, а яшчэ пейзажны парк.
О’Руркам Уселюб дастаўся ў 20-ыя гады, 19 стагоддзя. Сам гэты род старажытны, з Ірландыі, графства Лейтрым, дзе О’Руркі актыўна змагаліся за незалежнасць Ірландыі, але пасля паразы народнага ірландскага паўстання імігравалі ў Парыж.
У другой палове 19 стагоддзя О’Руркамі будуецца новы сядзібны дом. Новая сядзіба была пабудаваны прыкладна на адной восі са старым домам, на другім баку ўязной алеі.
У 1939 годзе маёнтак быў канфіскаваны, а сам сядзібны дом даволі значна перабудаваны, ад чаго страціў сваё аўтэнтычнае аблічча. Да пажару ў сценах гэтай сядзібы размяшчалася мясцовая амбулаторыя.
Пры О’Рурках Уселюб лічыўся адным з цэнтраў сыраробства, а іхні гаспадарчы двор лічыўся ўзорным. Нават сёння па ўсёй тэрыторыі былой сядзібы сустракаюцца будынкі тых часоў.
Ацалелыя пабудовы ва Уселюбе некалькі разоў выстаўляліся на аўкцыён, але пакупнік так і не знайшоўся.
Мясціны ва Уселюбе дакладна цікавыя і злёгку маглі б прывабіць свайго турыста. У аграгарадку знаходзіцца адзін з найстаражытнейшых касцёлаў Беларусі, а недалёка папулярныя замкі – Любчанскі і Навагрудскі. Ніжэй кропка з адзнакай лакацыі на мапе:
Недалёка ад Уселюба ёсць яшчэ адзін былы маёнтак з гісторыяй – Вераскава.
