Невялічкі вандроўны маршрут на адзін дзень з Мінска. Вас чакае некалькі цікавых кропак, некаторыя з якіх добра вядомыя і нават папулярныя, а іншыя – часам застаюцца без належнай увагі. Менавіта таму гэты турыстычны маршрут можа спадабацца.
View this post on Instagram
Чэрвень
Горад які дакладна скаладана назваць папулярным, але штосьці цікавае тутака безумоўна можна адшукаць. Раю заехаць да цэнтральнай плошчы і прайсціся вакол, каб паглядзець старую радавую забудову канца 19 – першай паловы 20 стагоддзя.
Да 1923 года, горад меў іншую назву – Ігумен, а першыя згадкі пра мястэчка адносяцца ажно да 1387 года. Быў тут каліьці і старажытны касцёл – не збярогся, але ў 1995 годзе парафію аднавілі і збудавалі новы храм.
Побач з касцёлам усталяваны бюст о гонар Станіслава Манюшка. Такжа будзе цікава наведаць мясцовый музей, будынак якога таксама месціцца на галоўнай плошчы.
Ёсць і яшчэ некалькі адметных дамкоў, якія варта паглядзець.
На двухпавярховым будынку з чырвонай цэгла ёсць драўляная шыльда ў гонар Марыі Мякота – маці Максіма Багдановіча.
Быў у Чэрвені і яшчэ адзін дамок такога кшталту, але на жаль яго вырашалі грунтоўна перабудаваць.
Звярніце ўвагу на чырвоны касцёл, аб’ект сучасны, але па-свойму з’яўляецца спадчынікам старога храма.
Дарэчы, апроч бюста ў гонар Станіслава Манюшкі, ёсць яшчэ і невялікая скульптура, выкананая ў даволі незвычайнай форме.
Раванічы
Ад Чэрвеня едзем у Раванічы, былое мястэчка, якое звязана з родам Слатвінскіх. У іх тутака была вялікая сядзіба з гаспадаркай, паркам і рознымі прадпрыемствамі. Таксама прадстаўнікі гэтага роду збудавалі касцёл.
Гэты храм быў пабудаваны ў 1799 годзе на сродкі Антонія Слатвінскага, які па задумцы ўладара Раванічаў павінен быў стаць і фамільным склепам. Будынак прамавугольны ў плане, з квадратнай апсідай, якую фланкавалі дзве сакрысціі.
Архітэктурны стыль – класіцызм. Галоўны фасад вылучаўся вялікім 4-калонным порцікам. У 1937 годзе касцёл Святога Антонія быў зачынены, а сёння былая святыня сустракае ў занядбаным стане, але тым не менш мае статус помніка архітэктуры.
На жаль, амаль усе будынкі часоў Слатвінскіх зараз не ў лепшым стане, але пры гэтым усё адно могуць уразіць як сваёй архітэктурай, так і гісторыяй.
Гісторыя сядзібы ў Раванічах, як і ейная архітэктура, – дзесьці тыповая і месцамі вельмі сумная. Збудавалі гэты шыкоўны палац тут у сярэдзіне 19 стагоддзя.
Беразіно
Гэта горад вылучаецца як сваім шыкоўным гербам, так і галоўнай цікавосткай – сядзібай Патоцкіх. Што радуе, будынак пакрысе аднаўляюць і магчыма ўжо зусім хутка можна будзе ўбачыць новы турыстычны комплекс у Беларусі.
Бярэзінская сядзіба – гэта цікавы і досыць тыповы для свайго часу помнік архітэктуры стылю класіцызм. Збудавалі палацык яшчэ ў першай палове 19 стагоддзя, таму як бачыце, гістарычны шлях у гэтага аб’екта сапраўды доўгі.
Беразіно, ці як гістарычна казалі Бярэзынь, мае багаты турыстычны патэнцыял, але мне падаецца, што ён зусім нераскрыты. У горадзе ёсць крыху і старой забудовы, і сучасныя храмы вартыя вашай увагі.
Багушэвічы
Заехаць у гэтую невялічкую вёсачку трэба абавязкова каб убачыць “замкавы” касцёл Божага Цела – храм які падабаецца амаль усім наведвальнікам і вандроўнікам. І гэта цалкам зразумела, бо архітэктура сапраўды незвычайная.
Мяркуецца, што храм першапачаткова будаваўся як пахавальня роду Свентаржэцкіх дзесьці ў сярэдзіне 19 стагоддзя.
View this post on Instagram
Але звычайна да гэтай цікавосткі едуць не дзеля гісторыі, а дзеля шыкоўнай архітэктуры. Будынак яркі прыклад стылю неаготыка з украпінамі рамантызму.
Акрамя касцёла тутака і файныя краявіды на раку. Калі любіце ладзіць пікнікі – месца вельмі ўтульнае, добра падыдзе для адпачынку.
Што дадаць у міні маршрут, калі крыху не хапіла?
- Паркавы комплекс Манюшкаў-Ваньковічаў у Смілавічах.
2. Былая сядзіба Оштарпаў і Гартынгаў у Дукоры.
3. Свіслацкі замак, гарадзішча і руіны сінагогі.
