Калі вы думаеце, што добра ведаеце Мінск, то вось вам цікавы факт для наступнай прагулкі. У горадзе ёсць вуліца, якую можна цалкам прайсці хутчэй, чым даглядзець кароткі ролік у інстаграме (ці тут ён ёсць ніжэй). Знаёмцеся – вуліца Бібліятэчная, самая кароткая ў Мінску.
View this post on Instagram
Што ў гэтай вуліцы такога адметнага, акрамя памеру?
Глядзіце самі: тут усяго толькі адзін будынак, плюс вельмі дзіўная нумарацыя.
Логіка мінскіх адрасоў часам здзіўляе, так адзіны дом на Бібліятэчнай чамусьці мае нумар 49. Куды зніклі астатнія 48 дамкоў – загадка гісторыі.
Ніякіх кніг на Біблятэчнай няма. Нягледзячы на прыгожую назву, ніводнай бібліятэкі ці чытальнай залы вы тут не знойдзеце. У адзіным будынку месціцца звычайны офіс.
Ніжэй на мапе паказана дакладнае месцазнаходжанне гэтага гарадскога артэфакта:
Калі будзеце гуляць у гэтым раёне, зазірніце сюды па фота і атмасферу старога Мінска. Дарэчы, літаральна праз плот ад яе знаходзіцца яшчэ адна “вуліца-малышка” – Арктычная, дзе таксама стаіць усяго адзін дамок.
