Высокае – гэта даволі невялічкі горад, але вельмі цікавы, бо тут багатая гістарычная спадчына і сапраўды ёсць што паглядзець. Асноўныя славутасці: руіны замка Сапегаў, палац Патоцкіх, былы кляштар баніфратаў, рэшткі сінагогі і Траецкі касцёл.
Каталіцкая парафія ў Высокім бярэ свой пачатак яшчэ за часам Вялікага князя Вітаўта. Касцёл тады быў выкананы з дрэва, а затым, у 1603 годзе, пабудаваны ўжо каменны варыянт.
Апасля, дзесьці ў першай палове 18 стагоддзя, храм у мястэчку Высокае значна быў перабудаваны і набыў рысы архітэктуры барока. Але гэты касцёл яшчэ не раз будзе перабудоўвацца, чым ставіць вялікае пытанне аб дакладнай даце ягонага будаўніцтва.
Затым, у першай палове 18 стагоддзя, Высокаўскі касцёл значна перабудаваны і набыў рысы архітэктуры барока. Пасля храм яшчэ не раз будзе мяняцца, чым ставіць вялікае пытанне аб дакладнай даце яго будаўніцтва.
Да вайны ў касцёла яшчэ былі высокія трох’ярусныя вежы са шпілямі, таксама моцна адрозніваўся франтон – у яго былі больш складаныя рысы і дэкаратыўныя вазы па краях. Усяго свайго барочнага шарму, як і ўнутранага ўбрання, храм пазбавіўся за савецкім перыядам.
У 70-ыя гады, касцёл Найсвяцейшай Тройцы сталі выкарыстоўваць як спартыўную залу. Пасля распаду СССР будынак павярнулі вернікам, яго аднавілі і зноў адкрылі для ўсіх ахвочых.
Касцёл знаходзіцца на вуліцы Леніна (Р85), добра бачны яшчэ на пад’ездзе:
Недалёка ад Высокага захаваўся былы пратэстанцкі храм і капліца-пахавальня Грабоўскіх у вёсцы Новая Расна.
