Звычайная стрынатка (Emberiza citrinella) – гэта яркая птушка з дамінантным жоўтым колерам у афарбоўцы, па памерах ледзь больш за палявога вераб’я. У Беларусі гэты від сустракаецца па ўсёй тэрыторыі краіны, у тым ліку і ўзімку.
Самкі і самцы падобныя, адрозніць іх можна па насычанасці афарбоўкі. У самцоў брушка і галава маюць жоўта-лімонны колер. Маладыя птушкі – без жаўцізны і здалёк вельмі нагадваюць вераб’ёў.
Аўсянка добра прыкметна вясной, калі самцы пачынаюць гучна спяваць, а самкі будаваць гнёзды. Што цікава, робяць яны гэта ў зямлі, альбо ў хмызняку. За год звычайна дзве кодлы птушанят – у сярэдзіне вясны і напрыканцы лета.
Аснова рацыёну ў Emberiza citrinella – рознае насенне, выключэнні робяцца для птушанят якіх выкормліваюць у тым ліку казуркамі.
Звычайную аўсянку лягчэй за ўсё ўбачыць на палях і лясах паблізу ад жывёлагадоўчых ферм. Птушкі збіваюцца ў вялікія зграйкі і вандруюць ад месца да месца ў пошуках ежы.
