Вёска Марцінава – гэта сапраўдная глыбінка Беларусі. Тутака маляўнічыя і даволі глухія мясціны, дзе ў дрэннае надвор’е дарогі могуць нават знікаць. Але пры гэтым, у Марцінава, каля ракі Ула, ганарліва ўзвышаецца мясцовая цікавостка – занядбаная царква Покрыва Прасвятой Багародзіцы.
Дакладней храм толькі выглядае занядбаным, бо тэрыторыя вакол дагледжаная, на дзвярах вісіць замок.
Унутры царквы шмат будаўнічых матэрыялаў і ўсходаў. Хутчэй за ўсё, нейкі мясцовы ініцыятыўны жыхар падтрымлівае стан царквы.
У некаторых крыніцах інфармацыі, гэта храм пазначаны як Пакроўская царква, але сустракаецца і іншая назва – у гонар Святога Дабравернага князя Аляксандра Неўскага.
Царква пабудавана ў канцы 19 – напачатку 20 стагоддзя, у архітэктуры якую можна аднесці да псеўдарускага стылю.
Цікава, што ў Бешанковіцкім раёне ёсць яшчэ некалькі падобных храмаў. Напрыклад у Слабодцы і вёсцы Свяча. Цалкам імаверна, што яны нават будаваліся ў адзін перыяд і магчыма аднымі майстрамі.
Царкву закінулі ў 30-ыя гады, калі актыўна насаджваўся антырэлігійны настрой. У Марцінава ёсць цікавая гісторыя, звязаная з храмам. Мясцовыя расказваюць, што падчас вайны тут упаў самалёт, а пры падзенні зачапіў вежу царквы і знёс крыж.
Нягледзячы на тое, што царква ў Марцінава даволі даўно закінутая, будынак нядрэнна захаваўся. Гэтая цікавостка знаходзіцца на ўскраіне вёсачкі, глядзіце кропку на мапе:
Недалёка ад Марцінава можна паглядзець руіны касцёла Святога Антонія ў вёсцы Губіна.
