За некалькі кіламетраў ад горада Пружаны можна паглядзець былы маёнтак роду Трэмбіцкіх “Лінава” (таксама сустракаецца “Лінова”), знаходзіцца ў невялічкай вёсачкі, ці дакладней пасёлку, – Інтэрнацыянальны. Багаты маёнтак Лінава набыў Вінцэнт Трэмбіцкі напрыканцы 18 стагоддзі і амаль адразу тут пачынаецца будаўніцтва сядзібнага дома.
Першапачаткова гэта быў даволі невялічкі аднапавярховы палац у класічным стылі. Пашырэнне і прыбудова бакавых карпусоў адбылася ўжо значна пазней, – пры ўнуку Вінцэнта – Уладзіславе Трэмбіцкім (амаль што пачатак 20 стагоддзя). Малады чалавек падышоў да працы грунтоўна і запрасіў польскага архітэктара Луба. У выніку сядзіба была павялічана да 110 метраў у даўжыню, а таксама быў дабудаваны другі паверх.
Галоўны фасад дапоўнены масіўнай пяціяркавай аркадай, на якой размясціўся балкон з калонамі.
Трэмбіцкія жылі ў Лінове (Лінава) да 1939 года, пакуль сядзібу не экспрапрыявалі.
За савецкім часам сам дом, а яшчэ і бровар Трэмбіцкіх перапрафіліравалі ў крухмальны завод. Прадпрыемства функцыянавала да пачатку 2000-ых.
Пасля гэтага пачынаецца так званы перыяд канчатковага занядбанне сядзібы ў Лінава.
Цікава, што ў 2012 годзе гэтую цікавостку Беларусі выкупілі. Патэнцыйны інвестар заплаціў вялікія грошы і павінен быў за некалькі гадоў аднавіць былы шляхецкі маёнтак. Аднак ужо мінуло больш за 10 год, а будынак усё таксама руйнуецца.
Акрамя самой сядзібы, асобнай увагі варты і сядзібны парк, нягледзячы на даволі запушчаны стан, у ім ацалела мноства векавых дрэў: грэцкі арэх, ліпы, дубы, ясені і некаторыя іншыя. Дарэчы, каля ўваходу захаваўся і напамін пра савецкі перыяд – бюст Леніна.
Яго ўсталявалі ў 60-ыя, калі крухмальны завод толькі пачынаў працу. Адміністрацыя даўно пакінула будынак, прадпрыемства збанкрутавала, але галоўны будаўнік камунізму ўсё на тым жа месцы.
Яшчэ адзін напамін знаходзіцца ў правым крыле былой сядзібы. Тут да нядаўняга часу дзейнічала крама “Наталі”.
Праўда і яе час сышоў, зараз крама стала спецыфічным музеем няўдалага прадпрымальніцтва ў пасёлку Інтэрнацыянальны.
Самае сумнае ўражанне пакідае двухпавярховы левы корпус. Гэтая частка сядзібы развальваецца наўпрост на вачах.
Ніжэй кропка з адзнакай на мапе:
За пару кіламетраў ад пасёлка Інтэрнацыянальны ёсць яшчэ адна сядзіба – Дзяконскіх “Чахец”. Праўда яе лёс складваецца зусім інакш, там ідзе рэканструкцыя.
