Гістарычны цэнтр пасёлка Ружаны сапраўды багаты на славутасці і цікавосткі, тут акрамя сінагогі і былога манастыра базыльянаў знаходзіцца ўнікальны касцёл Святой Троіцы.
Першапачатковы варыянт храма закладвалі яшчэ пры Льве Сапегі напрыканцы 16 стагоддзі. Аднак драўляны касцёл прастаяў нядоўга і ўжо ў 1615 годзе прыступілі да будаўніцтва каменнага будынка.
У 1768 годзе касцёл у Ружанах даволі значна пашырылі, так з паўночнага боку дабудавалі капліцу Святога Крыжа.
Праз дзесяцігоддзе ўзведзена сіметрычная капліца з паўднёвага боку. У гэты ж перыяд саксонскі архітэктар Ян Самуэль Бекер пачынае перабудоўваць Траецкі касцёл у больш класічнай стылістыцы.
У гэты перыяд таксама зроблены звонку заходні партал, унутры былі апрацаваны сцены пілястрамі і карнізамі дарычнага ордара, размаляваны хоры, бакавыя алтары, амбон.
Наступныя змены ў архітэктуры ружанскага касцёла адбыліся ў 1850 годзе, а потым і ў 1891 годзе.
Галоўная дамінанта касцёла – высокая чатырох’ярусная вежа са шпілем. Фасад храма строгі, найбольш яркая дэталь – гэта партал уваходу, упрыгожаны дэкаратыўным порцікам і фальш-калонамі. Храм мураваны, 1-нефавы з паўкруглай апсідай. Сцены нефа знадворку мацаваны контрфорсамі, паміж якімі аконныя праёмы з арачнымі завяршэннямі.
Уваход з вежы ў неф аздоблены парталам у стылі позняга рэнесансу.
Цікавая і брама Траецкага касцёла, выдзеленая барочнымі нішамі.
У інтэр’еры над уваходам — хоры на крыжападобных у плане слупах з разнымі кранштэйнамі, агароджаны балясамі.
У апсідзе 2-калонны галоўнага алтара са штучнага мармуру, па баках яго 2 калоны, завершаныя раскаркаваным лучковым франтонам, на якім змешчаны выявы анёлаў і аздоблены гербам Сапегаў. Абапал калон – драўляныя паліхромныя выявы святых Пятра і Паўла.
Ружанскі касцёл не закрываўся нават за савецкім часам. Як і раней тут працягваюць служыць манахі ордэна дамініканаў.
Знайсці касцёл будзе проста, адпраўляйцеся ў цэнтр гарадскога пасёлка, на скрыжаванні вуліц Савецкая і Чырвонаармейская.
У Ружанах абавязкова наведайце палац Сапегаў.
