Як зразумела з назвы гэтай птушкі, крычка рачная (sterna hirundo, рус. Речная крачка), аддае перавагу берагам рэк і вадаёмаў. У Беларусь прылятае ўжо ў цёплы перыяд года на гнездаванне і даволі рана злятае ў вырай.
Вонкава вылучаецца яркімі чырвонымі лапкамі і такой жа дзюбай. Афарбоўка апярэння – светла-серабрыстае, а да кончыкаў крылаў становіцца больш цёмным. Яшчэ адна адметная рыса – “чорная шапачка” на верхавіне, якая даходзіць да вачэй птушкі. Сярэднія памеры рачной крычкі – крыху больш за 30 сантыметраў.
Сілкуецца крычка дробнай рыбкай, умела ныраючы за ёй з вышыні.
Гнёзда крачка робіць у глебе, каля вады, таму яйкі гэтых птушак часта становяцца здабычай розных драпежнікаў.
У Беларусі крычка рачная сустракаецца часта і паназіраць за птушкай у натуральным асяроддзі даволі проста.
