Вёска Геранёны знаходзіцца ўсяго за некалькі кіламетраў ад мяжы Беларусі і Літва. Мястэчка вядома ў гісторыі яшчэ з першай паловы 15 стагоддзя, як валоданне роду Гаштольдаў, а адна з галоўных цікавостак – касцёл Святога Мікалая ў стылі позняга барока з элементамі класіцызму.
Першы, яшчэ гатычны варыянт храма скончылі ў 1529 годзе, па загадзе і на грошы Альбрэхта Гаштольда. У летапісе нават захаваўся цікавы факт: менавіта ў гэтым касцёле пабраліся шлюбам Барбара Радзівіл і сын Альбрэхта – Станіслаў.
А вось сваё сучаснае аблічча геранёнскі касцёл пачаў атрымліваць значна пазней – у канцы 18 стагоддзя. Вядома што пасля разбуральнага пажару храм так моцна пацярпеў, што яго прыйшлося перабудоўваць амаль з нуля. Так у 1771 годзе пачаліся аднаўленчыя работы, якія цягнуліся каля 10 гадоў. Менавіта ў той перыяд касцёл і набыў рысы позняга барока.
Цікава, што з 1730 года ў Геранёнах пры касцёле дзейнічала школа, заснаваная пры падтрымцы манахаў-піяраў. На тэрыторыі Беларусі, прадстаўніцтва гэтага манаскага ордэна было нешматлікім (Шчучын, Лужкі, Ліда).
У сярэдзіне 19 стагоддзя да асноўнага аб’ёму касцёла прыбудавалі бакавыя сакрысціі, а крыху пазней, прыкладна да 1883 года, дабудаваны і невялічкі прытвор.
Па суседстве з касцёлам асобна стаіць двух’ярусная вежа-званіца.
За савецкім часам храм не закрываўся, а ў 70-ыя гады мінулага стагоддзя нават прызнаны помнікам рэспубліканскага значэння. Касцёл з 500-й гісторыяй дзейнічае і адкрыты для ўсіх ахвочых, імшы рэгулярна вядуцца. Ніжэй размяшчэнне храма на мапе:
У Геранёнах таксама часткова захаваліся фрагменты замка Гаштольдаў, а яшчэ ў гэтым рэгіёне раю даехаць да касцёлу ў Суботніках і да сядзібы ў вёсцы Жамыслаўль.
