Адна з галоўных славутасцяў Брэста – гэта кафедральны Свята-Сімяонаўскі сабор, які быў закладзены ў сярэдзіне 19 стагоддзя. Будаўніцтва храма дамагаліся даволі доўга, а першы праект быў прыняты яшчэ ў 1846 годзе, але фактычныя работы пачаліся значна пазней – у красавіку 1862 года. Праз некалькі год, у ліпіне 1868, сабор урачыста асвяцілі.
Храм мае кубападобную форму, невялікую паўкруглую апсіду і адносна вузкі прытвор. Архітэктурны стыль будынка можна аднесці да руска-візантыйскаг, але ў некаторых крыніцах (напрыклад “Архітэктура Беларусі 1993 года”) указваецца псеўда-рускі стыль архітэктуры.
У 1886 годзе царква рэканструявана, яе аблічча нязначна змянілася. У пасляваенны савецкі перыяд сабор не быў зачынены, але стан будынка значна пагоршыўся. Таму напрыканцы 80-ых, 20 стагоддзі, у саборы адбываецца маштабная рэстаўрацыя.
Побач з саборам святога Сімяона ў 2005 годзе усталёўваюць помнік царкоўнаму дзеячу Афанасію Філіповічу (Апанасу Берасьцейскаму).
Гэтая славутасць знаходзіцца на вуліцы Карла Маркса 84, недалёка ад цэнтра горада.
Дарэчы па суседстве з саборам ёсць яшчэ адзін гістарычны аб’ект – былая сінагога “Эгдэш”.
