Вандроўная віктарына па гарадах Беларусі!

1. Кажуць, што гэта адзін з самых маленькіх гарадоў Беларусі, але цікавостак тут сапраўды шмат, нават рэшткі замка можна паглядзець! Пазналі горад?

2. Не адным марозівам і сырам вядомы гэты горад у Брэсцкай вобласці! Так тут напрыклад можна паглядзець будынак былой сінагогі 19 стагоддзя. А што гэта за населены пункт Беларусі, вы здагадаліся?

3. Гэтую вежу вы дакладна пазналі, а вось дзе яна знаходзіцца?

4. У гэтым горадзе ёсць свой сапраўдны палацык і да таго ж асіметрычнай формы! А яшчэ герб горада, які дарэчы зацверджаны ажно ў 1589 годзе, выглядае амаль як лагатып у машын Alfa Romeo. Што гэта за горад?

5. А што гэта за горад? Тут шмат старой і невысокай забудовы, багатая яўрэйская спадчына, а мясцовыя кажуць "саліць пары".

6. А дзе знаходзіцца вось гэты храм? Сёння царква, але першапачатковая камяніца была касцёлам пры кляштары дамініканцаў

7. Галоўная цікавостка гэтага горада - касцёл Святога Лаўрэна (ён на здымку), а яшчэ ў гэтым горадзе ўсталяваны помнік Рыгору Барадуліну!

8. А ў якім горадзе стаіць такі магутны храм?

9. Кажуць, што летам гэты горад становіцца адным з самых папулярных турыстычных напрамкаў у Беларусі, мо так і ёсць. А што за ён?

10. Кажуць, што гэта горад мае самы ўзгорысты рэльеф у Беларусі. Цікавостак тутака таксама хапае, вось на фота напрыклад - сабор Святога Міхаіла Арханёла. А што гэта за горад?