Птушка Пячураўка-ценькаўка ў Беларусі сустракаецца амаль паўсюдна і лічыцца даволі звычайнай для лясных масіваў, крыху радзей паркаў. Мае зусім непрыкметную афарбоўку, дзе пераважна буравата-аліўкавы колер. Праз гэта, Пячураўку-ценькаўку бывае складана заўважыць у лісцях. Памеры птушкі невялікія, – 10-12 сантыметраў. Над вочкамі маецца бляклая палоска ў выглядзе броўкі, дзюба звычайна цёмная.
Апазнаць птушку можна па меладычных спевах, аднак будзьце ўважлівыя, лёгка зблытаць з іншай пеначкай (пячураўкай) – трашчоткай.
У Беларусь пячураўка-ценькаўка (Phylloscopus collybita) вяртаецца ў пачатку красавіка – сярэдзіне месяца, у залежнасці ад рэгіёна. Пачынае злятаць у вырай ужо ў канцы жніўня і да самага завяршэння верасня.
Асноўны рацыён ценькаўкі – гэта разнастайныя дробныя казуркі, якіх яна шукае ў кронах дрэў.
