Касцёл Святых Пятра і Паўла знаходзіцца ў вёсцы Новы Свержань, Стаўбцоўскі раён, і ўваходзіць у спіс найстарэйшых храмаў Беларусі. Ёсць тэорыя, што грошны на будаўніцтва Петрапаўлаўскага касцёла даў сам Мікалай Крыштоф Радзівіл Сіротка.
У 1588 годзе Сіротка загадаў узвесці падмурак будынка і з некаторым часам тут з’явіўся той храм які мы і можам убачыць сёння.
Даволі цікавы факт у тым што Радзівіл Сіротка праславіўся ненавіснікам пратэстантызму, які актыўна насаджаўся яго бацькам Радзівілам Чорным. Таму і мяркуецца, што храм узводзілі першапачаткова як кальвінскі збор.
Петрапаўлаўскі касцёл спецыялісты адносяць да архітэктурнага стылю рэнесанс з элементамі готыкі.
Касцёл у вёсцы Новы Свержань выкананы ў выглядзе прамавугольніка зальнага тыпу з адным нефам. Трансэпты бакоў асабліва не выяўлены, паўкруглая апсіда выдаецца крыху за межы асноўных абрысаў.
Масіўнасць і прысадзістая аб’ёмнасць вежы спалучаецца са сціпласцю агульнай стылістыкі. Гэта надае касцёлу суровасць і дзіўную манументальнасць архітэктурнага аблічча.
Трох’ярусная вежа-званіца завершана шатром з вострым шпілем, своеасаблівыя контрфорсы служаць упрыгожваннем. Ад нізу вежы ўздымаецца драўляная лесвіца, якая вядзе на верхнія памяшканні.
Архітэктура касцёла перажывала і змены, так у 1818 годзе, пасля разбуральнага ўрагану, была перабудавана вежа. Яна стала крыху ніжэйшай і прысадзістай.
Як і большасць каталіцкіх храмаў Беларусі, касцёл у вёсцы Новы Свержань быў грунтоўна зачынены пасля 1863 года. Вернуты ва ўлонне каталіцкай царквы напачатку 20 стагоддзя – у 1901 годзе.
Першапачаткова ў храме размяшчаліся шэсць абразоў апосталаў і скульптурная выява Хрыста, сярэбраны посуд для літургіі, але за савецкім часам каштоўныя рэчы былі канфіскаваныя, а касцёл перакваліфікаваны ў гнаясховішча. У 90-ыя, жыхары і мясцовы ксёндз аднавілі гэты ўнікальны комплекс.
Цераз дарогу ад касцёла знаходзіцца яшчэ адзін помнік архітэктуры 16 стагоддзя – Успенская царква. Петрапаўлаўскі касцёл размяшчаецца на вуліцы Нясвіжская, глядзіце кропку на мапе:
Якія яшчэ славутасці Беларусі наведаць у гэтым рэгіёне? Адпраўляйцеся ў бок Нясвіжскага палаца, тамака па дарозе можна ўбачыць руіны касцёла ў Новых Навасёлках, а таксама храм у вёсцы Вішнявец.
