На трасе М11, прыкладна за дзясяць кіламетраў ад Ліды, знаходзіцца невялічкае мястэчка – Мінойты. Звычайна падобныя вёсачкі праязджаеш незаўважна, але калі цікавіцеся драўлянымі храмамі, то тут ёсць што паглядзець. Крыху так паасобку ад цэнтра стаіць Касцёл Найсвяцейшага Сэрца Ісуса i Святога Андрэя Баболі. Гэты будынак нават чымсьці нагадвае скандынаўскія храмы.
Касцёл у Мінойтах выглядае даволі проста, але пры гэтым акуратна. Відаць, што нядаўна быў зроблены капітальны рамонт: новыя вокны, дах, пастаўлена вежка-званіца, а ўся тэрыторыя абгароджана і дагледжана.
У архітэктурным плане храм можна аднесці да стылю неакласіцызм.
Варта ўвагі і ўваходная група, масіўныя драўляныя дзверы выглядаюць вельмі аўтэнтычна.
Дакладная дата будаўніцтва касцёла невядомая, афіцыйнай інфармацыі не знайшоў, а большасць крыніц сыходзіцца на тым, што храм малады і пабудаваны напачатку 20 стагоддзі, у прамежак 1927-29 гадоў. На старых польскіх мапах ёсць адзнака аб тым, што касцёл у Мінойтах існаваў і раней – у 1920 годзе. Магчыма храма перабудавалі на месцы папярэдніка.
Касцёл у Мінойтах дзеючы і адкрыты для прыхаджан, ніжэй кропка з адзнакай на мапе:
Недалёка ад гэтых мясцін знаходзіцца файная вёска Тарнава, дзе ёсць сядзіба і незвычайны млын.
