Калі ехаць у бок Гродна, дзесьці паміж Валожынам і Іўе, у невялічкай вёсцы Дуды вас будзе чакаць касцёл Нараджэння Найсвяцейшай Дзевы Марыі. Адзін з нямногіх драўляных касцёлаў, які захаваўся без значных змен да нашых дзён, пабудаваны яшчэ ў 1772 годзе.
На пачатку 17 стагоддзя на гэтым месцы знаходзіўся іншы храм, закладзены яшчэ пры Хадкевічах. Аднак гісторыя замоўчвае яго далейшы лёс (верагодна згарэў), а на яго месцы пабудаваны сённяшні касцёл Дзевы Маріі.
Касцёл у Дудах выкананы ў традыцыях драўлянага дойлідства з элементамі стылю барока.
Побач з храмам размяшчаецца двухузроўневая вежа-званіца, пабудаваная ў той жа перыяд, што і касцёл.
Для сваёй доўгай гісторыі касцёл у Дудах вельмі добра захаваўся. Час і вайна пашкадавалі гэты храм. Аднак пэўныя перабудовы ўсё ж былі і найбольш прыкметныя можна аднесці да 1930 года.
Тады вежы храма набылі дадатковы ярус і сталі трохузроўневыя, а шпілі вежаў змяніліся з барочных на неагатычныя.
Як гэта часта бывала за савецкім часам, у сувязі з антырэлігійнай палітыкай, было прынята рашэнне аб пераабсталяванні будынка пад склад. Да 1990 года касцёл адрэстаўраваны і зноў стаў парафіяльным. Дарэчы ўнутры касцёла Нараджэння Дзевы Марыі можна ўбачыць тры ўнікальныя драўляныя барочныя алтары, а таксама ікону «Маці Божая з дзіцём».
Вакол касцёла ёсць старыя могілкі, але шмат магіл разбураны, некаторыя таблічкі не захаваліся. Трэба адзначыць, што, нягледзячы на блізкасць да трасы, месца вельмі ціхае.
Канец 20 стагоддзя азнаменаваўся як новы перыяд у жыцці касцёла ў Дудах – будынак быў цалкам адрэстаўраваны і ўвайшоў у дзяржаўны спіс гісторыка-культурных аб’ектаў Беларусі. Ніжэй кропка з адзнакай цікавосткі на мапе:
Знаходзячыся ў гэтых месцах зазірніце таксама паглядзець на касцёл у Лаздунах.
