Рухаючыся ад Валожына ў бок гарадскога пасёлка Івянец па даволі суровай грунтавай дарозе можна патрапіць на тэрыторыю. закінутага санаторыя «Лясное». Гэтае месца добра вядома аматарам актыўнага адпачынку, побач размешчана папулярная стаянка дзе стартуюць сплавы па Іслачы.
Да закінутага санаторыя вядзе добрая пліткавая дарога, а сам будынак здалёку здаецца цалкам цэлым.
Але чым бліжэй падыходзіш да будынка, тым больш відавочна, што ён даўно закінуты. Усе атрыбуты на месцы: бітае шкло і дзверы, графіці, дрэвы на даху і іншае.
заняпад санаторыя "Лясное" пачаўся пасля 26 красавіка 1986 года, вядомай даце ў нашай гісторыі, - аварыі на ЧАЭС. Нягледзячы на тое што Налібоцкая Пушча знаходзіцца ў пары сотняў кіламетраў ад зоны заражэння, тут утварылася радыеактыўная пляма (Цэзій-137). Па гэтай прычыне лёс санаторыя быў прадвызначаны, аднак ёсць і іншыя версіі закрыцця паводле якіх радыяцыі тут зусім не прычым.
Праўда па некаторых звестках санаторый працягваў працаваць аж да сярэдзіны 90-ых.
У будынак можна ўвайсці з любога боку, усе дзверы адчыненыя, альбо выламаныя. Патрапіўшы ўнутр, пачынаеш мімаволі лічыць колькі гадоў санаторый Лясное можа быць ужо закінуты і колькі яшчэ зможа прастаяць.
Гуляючы па будынку трапляем у былую сталовую ці банкетную залу.
Тут высокая столь і паркетная падлога, за белымі дэкаратыўнымі фігурамі знаходзілася кухня. Яшчэ часткова засталося халадзільнае абсталяванне і прытокавая сістэма, усё астатняе было разрабавана.
Далей пралёт на другі паверх. Увагу прыцягвае плітка на лесвіцы - гэта граніт. Напэўна пліты спрабавалі неаднаразова дэмантаваць, але гэта так нікому і не ўдалося.
Большасць жылых пакояў паўстаюць у аднолькавым выглядзе - у іх паспелі вынесці абсалютна ўсё.
На трэцім паверсе крысоў выклікае асцярогу. Цяжка сказаць колькі гадоў яшчэ вытрымаюць перакрыцці. Частка бакавой сцяны, разам з пажарнымі ўсходамі ўжо абваліліся.
Сам санаторый суцэль кампактны і ўяўляе сабой адзін вялікі корпус. Побач знаходзіцца двухпавярховы цагляны будынак у якім, напэўна, пражываў абслуговы персанал.
Невялікае агляднае відэа закінутага санаторыя "Лясное" 2016 года:
Па суседстве з адной з самых вядомых закідак Беларусі знаходзяцца руіны сядзібы Тышкевічаў. Больш цікавых месцаў на мапе.
