У вёсцы Ніжняе Чэрніхава павольна руйнуецца старадаўні бровар, які можна назваць даволі тыповым узорам прамысловай архітэктуры Беларусі пачатку 20 стагоддзі. Верагодна гэты завод будаваўся яшчэ пры Рдултоўскіх, якія валодалі маёнткам Чэрніхава.
Сама пабудова цагляная, двухпавярховая, значна перабудавана за савецкім часам.
У канцы 90-ых, у сценах бровара ўсё яшчэ працавала вытворчасць. Нават на фатаграфіях 2006 года стан будынка значна лепшы.
Чаму ж так адбылося, што прадпрыемства стала закішкай? Насамрэч гісторыя разбурэння падобных месцаў амаль заўсёды ідэнтычная і сумная. Пройдзе яшчэ некалькі гадоў і бровар у Ніжнім Чэрніхава будзе выглядаць таксама як вінакурня Абуховічаў у Галаўцах.
Гуляючы па тэрыторыі комплексу бачна, што яшчэ зусім нядаўна тут была нейкая дзейнасць. Частка абсталявання так і пакінута, а частка распілавана на металам.
Адміністрацыйны паверх бровара і зусім абвальваецца. Цікаўна што чырвоныя цагляныя сцены тут зачынялі карцінамі з прыгожымі краявідамі.
Ад былой бровара сцяжынка вядзе да закінутай хаце для працоўных, пабудаванаму пры Гарцінгах, у якіх у Ніжнім Чэрніхава мелася сядзіба
Калі захочаце паглядзець на бровар, то вялікіх ілюзій не майце. Магчыма, што ў ваш прыезд усё будзе выглядаць яшчэ горш. Ніжэй кропка з размяшчэннем на мапе:
Куды цікавей заехаць у Верхняе Чэрніхава, дзе можна ўбачыць адноўленую магільны склеп Рдултоўскіх і частка маёнтка з уцалелай вежай-капцільняй.