Калісьці даўно, яшчэ ў 16 стагоддзі, існавала мястэчка Пагост – уладанне роду Алелькавічаў на Слуцкай зямлі. Затым фальварак быў ва ўласнасці Радзівілаў, а да сярэдзіны 19 ст. Вітгенштэйнаў. Менавіта пры апошніх пабудавана сядзіба, каменны млын і броварны завод.
Ад самай дваранскай сядзібы амаль нічога не засталося, нават складана знайсці месца дзе яна стаяла. Уцалелі толькі некаторыя будынкі былой вінакурні.
Галоўны будынак, сам завод, - датуецца 1901 годам, пра што паведамляюць лічбы на франтоне. Яно выканана з цэглы і з'яўляецца суцэль тыпавым.
Да сярэдзіны 90-ых, прадпрыемства было дзейным. На фатаграфіях пачатку 2000-ых усе пабудовы выглядаюць абсалютныя цэлымі і не закінутымі.
Чаму ж сёння былы завод Вітгенштэйнаў-Радзівілаў у такім жаласным выглядзе? Сказаць складана.
Усярэдзіне яшчэ можна ўбачыць велізарныя цыстэрны для закісання і захоўванні спірту. Іх яшчэ не паспелі распілаваць (ці проста не змаглі).
На тэрыторыі ёсць і іншыя будынак: гас. пабудовы, склады, спіртсховішча і вартоўня.
Вёска Пагост-1 і Пагост-2 падзелены ракой, знаходзяцца побач з трасай Р55 у прыгарадзе. Салігорска. Ніжэй адзнака з размяшчэннем на мапе:
Калі будзеце ў гэтых краях то рэкамендую з'ездзіць паглядзець гранітны кар'ер у Мікашэвічах.