Былая сядзіба Маўросаў у Тарнава
Літаральна ў 20 кіламетрах ад Ліды, у бок Гродна, можна паглядзець адразу некалькі цікавых славутасцяў у аграгарадку Тарнава. Зварочвайце з трасы М6 на Р11 і лёгка патрапіце да былой сядзібе Маўросаў. Тут акрамя сядзібнага дома захаваліся розныя гаспадарчыя пабудовы, лядоўня, а таксама незвычайны вятрак.
Назва мястэчка паходзіць ад імя першага ўладальніка гэтых зямель Пятра Тарноўскага, праўда першапачаткова гучала як Тарнаўшчызна. Жонкай Тарноўскага ў канцы 17 стагоддзя стала Ганна Завіш, якой належала суседняя вёска Белагруда (там дарэчы размешчаны цікавы касцёл). Пасля землі пераходзілі да Радзівілаў, Андрэйкавічаў, Кашыцаў. У 1866 годзе былі прададзены расійскаму графу Дзмітрыю Мікалаевічу Маўросу з імем якога вядома сядзіба ў Тарнава.
У 1880 годзе Дзмітрый Мікалаевіч пачынае актыўна ўкладваць сродкі ў развіццё Тарнава. Выбудоўвае сядзібу-палац, адкрывае бровар, разбівае парк і будуе жылыя дамы. Асаблівым здабыткам маёнтка была асабістая бібліятэка з уражлівай калекцыяй кніг.
Справа ад сядзібнага дома захавалася пабудова трохкутнай формы - гэта лядоўня (або ледавік).
Млын, якая размешчана крыху на адлегласці ад парку.
У самым канцы 19 стагоддзя, у 1899 годзе, Дзмітрый Маўрас памёр і сядзіба перайшла да яго сына. У 1921 годзе землі Тарнава сталі часткай Польскай Рэспублікі, а ў 39-ым увайшлі ў склад БССР. Цяпер у палацы-сядзібе ўсталявалася савецкая ўлада. Дом выкарыстоўвалі пад розныя саўгасныя патрэбы.
Пасля развалу СССР сядзібны дом у Тарнава даволі доўга пуставаў. На мяжы 2010-ых гадоў праведзена рэканструкцыя будынка пад жылыя кватэры. З трох бакоў былі зроблены асобныя ўваходы да лесвіц. На сённяшні дзень дом жылы, усе кватэры заняты.
Размяшчэнне на мапе:
Паглядзіце варыянты экскурсій па РБ, а таксама ў дапамогу карта славутасцяў па краіне.
