За некалькі кіламетраў ад ракі Ведзьма захавалася сядзібная хата 19 стагоддзя ў вёсцы Каранеўшчына. Гісторыя маёнтка пачынаецца з будаўніцтва сядзібы ў 1847 годзе, калі гэтыя землі атрымаў у спадчыну Рамуальд Лопаць. Нягледзячы на тое, што сядзібу заклалі менавіта пры Рамуальдзе, часта ўспамінаюцца і іншыя ўладальнікі - Марцінаўскія, якія валодалі Каранеўшчынай да Лапацей.
Сядзіба двухпавярховая, выканана з цэглы, з руставымі кутамі, але без дэкаратыўных празмернасцяў, мае памеры 28*11 метраў. Галоўны ўваход знаходзіцца на рагу і выдзелены тэрасай з пяццю калонамі. Цікава, што нехта пафарбаваў іх у яркі фіялетавы колер.
Вакол сядзібы Каранеўшчына быў разбіты парк, які часткова захаваўся і сёння. Да галоўнага ўваходу вяла невялікая ліпавая алея.
Агульны стан сядзібнага дома можна смела назваць нядрэнным, пабудова закансерваваная і за ёй відавочна наглядаюць. Наогул Ляхавіцкі раён багаты на падобныя маёнткі. Побач размешчаны: Флар'янава, Грушаўка, Нача, а крыху далей Савейкі.
прозвішчы Лопаць сядзіба належала да 1939 года, апошнім уладальнікам быў Вітольд Лопаць, які з сям'ёй пахаваны ў Дарава. У савецкі час тут размяшчалася школа, а пасля кіраванне калгасу.
Адным з апошніх насельнікаў сядзібы была крама Лілія, пра якую нагадвае таблічка.
Больш цікавых месцаў і славутасцяў Беларусі на мапе.
Забыліся дадаць (а на фота дрэва відаць), што з задняга боку будынка расце цікавае дрэва. У іншых крыніцах яно таксама не ўзгадваецца. Прыйшлося прыкласці намаганні, і я даведаўся, што гэтае дрэва, з выдатнымі фіялетавымі шышкамі, называецца Лістоўніца еўрапейская, якая можа жыць 300-400 гадоў і мае шмат карысных уласцівасцяў.