Мсціслаў, нягледзячы на свае кампактныя і невялікія памеры, можа прыемна здзівіць вялікім спісам цікавых славутасцяў. Акрамя тых гістарычных аб'ектаў, якія захаваліся, ёсць і часткова страчаныя. Адно з такіх месцаў у Мсціславе - гэта Тупічаўскі манастыр, які размяшчаўся на ўсходняй ускраіне горада. Сёння тут стаіць масласыразавод, але ад старога храма захавалася брама, агароджа і 2 каплічкі. Ніжэй ёсць актуальная фатаграфія, зробленая ў 2024 годзе і стары здымак, на якім бачна як выглядала Успенская царква з аналагічнага ракурсу.
Гісторыя гэтага Мсціслаўскага манастыра пачынаецца ў сярэдзіне 17 стагоддзі, калі тут пабудавалі першы варыянт драўлянага храма. Першапачаткова Тупічаўскі манастыр быў мужчынскім, але ў перыяд свайго "другога" росквіта (пасля 1887 года) - стаў жаночым. У той жа час, самы канец 19 стагоддзя, будуецца галоўнае збудаванне комплексу - каменны Свята-Успенскі сабор.
Агароджа і брама - адносяцца да другой паловы 19 стагоддзя.
Манастыр у Мсціслаўлі зачынілі ў 1918 годзе, тады ж комплекс пачалі перабудоўваць пад патрэбы дзіцячага дома, які функцыянаваў, як відаць, да пачатку Другой сусветнай вайны. З сабора знялі купалы, разбурылі светлавы барабан і цалкам перабудавалі дах - у выніку атрымалася вось такі будынак:
Пасля заканчэння вайны, прымяненне для пабудоў паўразбуранага манастыра не знайшлі. Таму ў 50-ыя гады на царкоўнай тэрыторыі пачынаецца будаўніцтва масласыразавода.
Ацалелая частка агароджы манастыра і яго брамы знаходзіцца з боку прыватнага сектара, каб патрапіць сюды - трэба ехаць па Камунарным завулку.
Ніжэй кропка з адзнакай месца, дзе размяшчаўся Тупічаўскі манастыр у Мсціслаўлі:
Калі будзеце ў гэтых краях рэкамендую заадно з'ездзіць у Пустынкі.
