Купальскі фэст "СВЯТА СОНЦА" 2023

Ужо шосты раз адбудзецца міжнародны купальскі фестываль "СВЯТА СОНЦА" 2023, які пройдзе ў музейным комплексе Дудуткі 24 і 25 чэрвеня. Вас чакае сапраўдная феерыя Фолку і Агню з насычанай забаўляльнай праграмай.

Як праходзіў фестываль у мінулым годзе.

Што чакае на фестывалі?

Традыцыйна вялікую ўвагу арганізатары ў 2023 году надалі open-air канцэрту, выступам вогненных тэатраў і рэканструкцыі старажытных купальскіх традыцый і абрадаў. "СВЯТА СОНЦА" аб'ядноўвае ў сабе адразу некалькі асобных мерапрыемстваў, аб'яднаных агульнай канцэпцыяй:

• Фестываль агню і піратэхнікі;
• Open-air канцэрт з удзелам гуртоў ethnic/folk/folk-rock/folk-metal, а таксама сумежных напрамкаў;
• Вялікі кірмаш майстроў-рамеснікаў, этна-пляцоўкі, фотазоны, арт-аб'екты на купальскую тэматыку і спартыўныя зоны;
• Абрадавыя і забаўляльныя блокі на працягу ўсяго фестывалю.

Таймінг фестывалю

Афіцыйнае адкрыццё фестывалю "СВЯТА СОНЦА" адбудзецца 24 чэрвеня ў 11.00 і працягнецца да поўначы. Завяршальным этапам асноўнай праграмы будзе факельнае шэсце ўдзельнікаў і гасцей фестывалю да берага ракі Пціч, дзе традыцыйна запалаюць купальскія вогнішчы.

Хто будзе выступаць?

Музычная частка будзе прадстаўлена наступнымі калектывамі з Беларусі:

• «TRUBETSKOY»
•  Іван Кірчук
• «Рокаш»
• «Племя»
• "Акваморта"
• "Alcyona"
•  «Росквіт»
•  "Frozen Garden"

Фестываль агню і піратэхнікі

Выступленне артыстаў пройдзе з 20.50 да 23.00. Вас чакае феерыя агню і піратэхнікі, яркія касцюмы і вобразы акцёраў, складаная тэхніка выканання і фантастычныя трукі на працягу 3-х гадзін будуць захапляць гасцей фестывалю. Выступяць:

• Вогнены цырк "KRESIVA",
• "ATOMA",
• Этнастудыя «Кетры»,
• Вогнены тэатр "ETERE",
• "REY SHOW"
• «INSANE»

Што яшчэ будзе на фестывалі?

• Горад майстроў (розныя майстэрні: кузня, ганчарная, збройная, апрацоўка каменя, саломапляценне, абрадавая лялька, ткацтва, ювелірная, манетны двор і шмат іншага).

• Купальскі кірмаш (тут вы знойдзеце вырабы традыцыйных рамесных майстэрняў).

• Этна-пляцоўка. Тут будуць узноўлены традыцыйныя абрады святкавання Купалля, варажбы, пляценне вянкоў, майстар-клас па абрадавых танцах і г.д.

• Карчма (ежа і напоі, як жа без гэтага).

• «Вясковая плошча”. Выступленні танцавальных і музычных калектываў, вулічных тэатраў, факіраў, перфомансы на купальскую тэму, майстар-класы па традыцыйных танцах і г.д.

• Інтэрактыўныя пляцоўкі (больш за 20 лакацый і атракцыёнаў).

Для гасцей фестывалю разгорнецца намётавы лагер (з 23 па 25 чэрвеня 2023 г.). Лагер будзе абсталяваны ўсім неабходным для камфортнага адпачынку на прыродзе: біяпрыбіральнямі, вадой, кантэйнерамі для збору смецця. Будзе магчымасць купіць дровы, узяць у арэнду намёт, спальныя прыналежнасці ці мангал. Будуць устаноўлены мабільныя душавыя кабіны з гарачай вадой.

Як дабрацца на фестываль?

Для зручнасці гледачоў будуць арганізаваны дадатковыя аўтобусныя рэйсы па маршруце "Мінск - Дудуткі - Мінск" і трансфер па маршруце "Рудзенск - Дудуткі - Рудзенск".