Старыя Дарогі - гэта горад з 1938 года, аднак паселішчы на гэтых землях вядомыя задоўга да афіцыйнага статусу. Так яшчэ ў часы ВКЛ, у першай палове 16 ст., згадваецца мястэчка Дарогі. У той перыяд гэтымі землямі валодаў шляхетны род Гальшанскіх, ад якіх будучаму гораду дастаўся герб – кітаўрас (кентаўр з лукам і хвастом змеі). Нажаль, Старыя Дарогі складана назваць цікавым турыстычным цэнтрам. Вядома вылучаецца яркі прыватны музей Анатоля Белага – сапраўдная скарбніца артэфактаў па гісторыі і культуры Беларусі. У цэнтры горада ёсць помнік прамысловай архітэктуры - воданапорная вежа пачатку 20 стагоддзі.
Праект вежы хаця і выглядае незвычайна, з мадэрнісцкімі ноткамі, але з'яўляецца тыпавым для вадаёмных будынкаў. Вежа выканана з чырвонай цэглы, знаходзіцца недалёка ад чыгуначнай станцыі.
Па суседстве з вежай можна ўбачыць адразу 2 царквы. Маленькая драўляная - гэта пабудова сярэдзіны 20 стагоддзя. На той момант храма ў Старых дарогах не было і службы праходзілі ў доме святара, які крыху перабудавалі, дадаўшы створку і званіцу.
У 2006 годзе ўшчыльную пачалі будаваць мураваную царкву, якую ўрачыста адкрылі ў 2019 годзе, асвяціўшы ў гонар свяціцеля Мікалая Цудатворца.
Знайсці гэтыя славутасці горада не складзе асаблівай працы, ніжэй адзнака на карце:
Недалёка ад Старых Дарог знаходзіцца драўляная. царква ў вёсцы Залужжа. А калі паехаць па трасе Р43 у бок Бабруйска, то можна наведаць сядзібу ў Завалочыцах.
