Былы касцёл ордэна кармелітаў узвышаецца пасярод гістарычнага цэнтра горада Глыбокае. Першапачаткова храм насіў назвуУнебаўзяцця Дзевы Марыі“, але пасля пераасвячэння, стаў называцца саборам Нараджэння Прасвятой Багародзіцы. Сабор з'яўляецца адным з першых прадстаўнікоў віленскага барока на тэрыторыі сучаснай Беларусі.
Будаўніцтва храма пачалося ў 1639 годзе пад кіраўніцтвам Юзафа Корсака і вялося каля 15 гадоў. Сабор у Глыбокім зведаў некалькі значных перабудоў. Першая з іх адбылася ў 1735 годзе згодна з планам аднаго з лепшых архітэктараў ВКЛ. Іагана Крыштафа Глаўбіца.
Найбольшыя змены закранулі галоўны фасад будынка, які быў ускладнены і дапоўнены дэкорам. Пасля пераасвячэння касцёла ў царкву, у тым жа 1735 годзе, перад галоўным уваходам узвялі трохарачную браму ў два ярусы.
Вядома, што ў 1812 годзе, падчас Першай сусветнай вайны, Напалеон зладзіў у жылым корпусе манастыра сваю рэзідэнцыю. Па чутках нават прасякнуўся сімпатыяй да архітэктуры сабора ў Глыбокім.
Жылы корпус кляштара кармелітаў захаваўся ў паўразбураным выглядзе, на верхнім фота добра відаць, што ўсярэдзіне будынкаў ужо выраслі дрэвы пад самы дах. На старой фатаграфіі 1930 года бачны і іншы корпус сабора:
Пасля завяршэння польскага паўстання 1830 года ў сценах сабора размясціўся ваенны суд. А падземныя памяшканні, якія манахі выкарыстоўвалі пад склад для арсенала паўстанцаў сталі камерамі для зняволеных.
У 1865 годзе манастыр кармелітаў быў зачынены, а будынак касцёла зноў перададзены праваслаўнай царкве. У 1872-78 гадах правялі чарговую рэканструкцыю, якая змяніла ў асноўным інтэр'ер царквы.
Што да вонкавага выгляду, у саборы змянілі толькі колер сцен. Пакуль ішла рэканструкцыя, царкву паспелі разрабаваць. Пасля адкрыцця, храм пераасвяцілі ў сабор Нараджэння Багародзіцы горада Глыбокае.
Крыху пазней канструкцыя храма зноў змянілася - дах панізілі і ўсталявалі масіўны купал. Як гэта выглядала можна разгледзець на старых фота:
У 20-ых гадах, 20 стагоддзя было некалькі спроб вярнуць храм каталікам і манахам ордэна кармелітаў, але ўсе гэтыя спробы не мелі поспеху. У час Другой сусветнай вайны ў падзямеллях сабора трымалі палонных. Пажар 1944 года значна пашкодзіў верхнія ярусы веж, знішчаны купал, алтар, абразы і архіў.
Побач з уваходам можна ўбачыць каменны крыж.
Далейшы лёс сабора ў Глыбокім падобны да многіх іншых рэлігійных пабудоваў. Так у сценах жылых карпусоў манастыра арганізавалі маслазавод, а ў сутарэнных памяшканнях архіў і склад кансервавага завода.
На сённяшні дзень пры саборы Раства Багародзіцы дзейнічае нядзельная дзіцячая школа, хор і праваслаўная бібліятэка.
Праз дарогу ад храма ёсць і іншая славутасць горада Глыбокае – Траецкі касцёл.
