Поразава - гэта цікавае мястэчка ў Свіслацкім раёне, Гродзенскай вобласці, дзе хапае гістарычных аб'ектаў. Адным з якіх з'яўляецца былая сінагога, пабудаваная ў другой палове 19 стагоддзя. Унікальнасць гэтай сінагогі ў тым, што яна выканана з буйнога бутавага каменя.

Што паглядзець у Поразава?

Руіны сінагогі ў Поразава

Падчас Другой сусветнай вайны ў Поразава створана Гета, у якое трапілі яўрэйскія жыхары тагачаснага Поразаўскага раёна. Большасць з гэтых людзей былі забітыя да 1944 года. З таго часу габрэйская гісторыя гарадскога пасёлка амаль цалкам перарываецца, а адным з нямногіх напамінкаў служыць якраз гэты старажытны будынак.

Поразава што паглядзець?

У савецкі час пабудову перапрафілявалі пад склад, перабудавалі дах і змянілі ўнутраную планіроўку. З часам неабходнасць у гэтым аб'екце знікла і яго проста перасталі выкарыстоўваць.

Сінагога ў Поразава

У 2019 годзе былую сінагогу выстаўлялі на аўкцыён за 18 тыс. рублёў. Нажаль пакупнікоў не знайшлося, затое ва ўсіх жадаючых была магчымасць зазірнуць у тэхнічны пашпарт, дзе можна ўбачыць некаторыя характарыстыкі будынка. Так агульная плошча складае - 474 м2, мае 2 паверха, дата прыёмкі на баланс - 1964 год.

Закінутая сінагога ў аграгарадку Поразава.

Годам раней, у 2018 годзе, выхадцы з Поразава ўсталявалі мемарыяльны камень у памяць аб 354 расстраляных яўрэях.

Помнік каля сінагогі ў Поразава

Сінагога знаходзіцца недалёка ад цэнтра гарадскога пасёлка, каля дарогі Р78, ніжэй кропка з адзнакай на мапе:

У Поразава паглядзіце старадаўні касцёл 1828 года і драўляную сядзібу Бутаўт-Андрэйкавічаў. Таксама раю з'ездзіць у адзін з найстарэйшых гарадоў Беларусі - Ваўкавыск.

5 1 голас
Ацэніце артыкул
Падпісацца
апавяшчэння
0 Каментарыі
Убудаваныя водгукі
Паглядзець усе каментары