Галоўная славутасць Ружан, - палац Сапегаў, які добра вядомы як жыхарам Беларусі, так і турыстам. Само гэта месца часта ўключаюць у розныя ТОПы і экскурсійныя паездкі. Ёсць і даволі цікавы факт, звязаны з гэтым аб'ектам: руіны палаца як мінімум тройчы засвяціліся ў савецкіх фільмах. Што гэта за карціны і як выглядаў замак у той час глядзіце ніжэй.
Хлеб пахне порахам | Хлеб пахнет порохом (1973 год, Беларусьфільм)
Мастацкі фільм расказвае пра падзеі, якія адбываюцца пасля рэвалюцыі 1917 года. Зняты па сюжэце аповесці Івана Шамякіна "Эшалон у Германію".
Вялікая частка экраннага часу - гэта сцэны знятыя ў Оршы, дзе і разгортваюцца асноўныя падзеі кінакарціны.
Калі ж з'яўляецца Ружанскі палац? Амаль у самым пачатку фільма. Руіны выступілі дэкарацыямі турмы для рускіх ваеннапалонных.
Сцэн няшмат, але яны дазваляюць убачыць тэрыторыю замка такой, якой яна была больш за 50 гадоў таму.
Я родам з дзяцінства | Я родом из детства (1966 год, Беларусьфільм)
Яшчэ адна кінастужка ад студыі Беларусьфільм, дзе мільгае палац Сапегаў, з'явілася ў далёкім 1966 годзе. Фільм "Я родам з дзяцінства" закранае тэму вайны і ўласна пасляваенны перыяд. Цікава, што многія крытыкі сыходзіліся ў тым, што гэта адзін з лепшых беларускіх фільмаў, створаных за ўсю гісторыю нашага кіно.
Ружанскі палац тут выкарыстоўваецца як другарадная дэкарацыя, на яго фоне адбываецца ўмоўнае аднаўленне разбуранай краіны.
Кадраў са славутасцю зусім няшмат, але нават іх хапае каб разгледзець браму, каланаду, галоўны корпус і бакавыя флігеля.
Песня пра Маншук | Песнь о Маншук (1970 год, Казахфільм)
Ружанскі палац, у сярэдзіне мінулага стагоддзі, стаў пляцоўкай для здымак батальных сцэн казахскага фільма - "Песня аб Маншук".
Даведацца руіны за мноствам дыму і піратэхнічных эфектаў складана. Замак з'явіцца толькі ў самым канцы карціны.
Палацавая тэрыторыя комплексу на час здымкаў стала сапраўдным баявым палігонам з танкамі і выбухамі.
Дарэчы, славутасці нашай краіны даволі часта мільгалі ў розных савецкіх і не толькі кінастужках. Напрыклад вайсковыя могілкі ў Дзесятніках можна ўбачыць у фільме “Вайна пад стрэхамі”, у ім жа ёсць кадры з Браслаўскім касцёлам. Ёсць і сучасныя прыклады: горад Слонім паказалі ў анімэ Код Гіяс.
