Недалёка ад трасы М8 вядучай на Віцебск, у пасёлку Высокае, можна ўбачыць руіны царквы святога Іллі. Будаўніцтва храма пачалося ў дастаткова складаны перыяд і скончылася ў 1917 годзе.
Судзячы па гэтай даце храм калі і прымаў вернікаў, то зусім нядоўга. Тым больш вядома, што царкву закрылі яшчэ да 1930 года.
У час вайны ў сценах царквы размясцілі сапраўдны абарончы пункт. Аднак што ён сябе ўяўляў - невядома. Затое захаваўся здымак 1942(43) года, на якім бачна як будынак выглядаў у той перыяд.
Мяркуючы па гэтым фота храм у Высокім уяўляў сабой даволі тыпавую пабудову ў псеўдарускім стылі.
Пасля вайны будынак, верагодна, не выкарыстоўвалі, але і не сталі разбураць.
Цікава, што за доўгі перыяд закінутасці сцяны храма засталіся практычна ў нязменным выглядзе, месцамі захавалася нават першапачатковая тынкоўка і плітка.
Магчыма мясцовыя жыхары перыядычна ладзяць тут невялічкія суботнікі і даглядаюць сваю галоўную славутасць.
Ад трасы царква знаходзіцца ў 5 хвілінах язды па галоўнай вуліцы, ніжэй кропка з размяшчэннем на мапе.
У вёсцы Высокае, але з іншага боку ад трасы, ёсць яшчэ адзін гістарычны аб'ект - былая сядзіба Макрыцкіх. Калі будзеце ў гэтых краях раю заехаць у Оршу.