Старадаўняе мястэчка Лыскавазгадваецца ў гісторыі яшчэ ў самым пачатку 16 стагоддзя, а пра багатую і насычаную гісторыю нагадваюць шэраг славутасцяў: гарадзішча, драўляная царкваі вядома былы кляштар місіянераўз руінамі Траецкага касцёла.
Ёсць звесткі, што першы драўляны касцёл на гэтым месцы быў пабудаваны ў 1521 годзе, калі Лыскава валодаў Мацей Клачко. Манахі-місіянеры прыехалі на гэтыя землі значна пазней - у сярэдзіне 18 стагоддзя, па запрашэнні і заступніцтве Яна Казіміра Быхаўца.
Манахі гэтага ордэна займаліся дабрачыннай дзейнасцю і дапамогай нямоглым, акрамя таго ў Лыскава адкрылі школу для навучання дзяцей. Місіянерскі ордэн не быў такім распаўсюджаным на тэрыторыі Беларусі як прыклад базыльянскі ці езуіцкі. Быў толькі яшчэ адзін такі буйны кляштар, - размяшчаўся ў Асвеі, Віцебская вобласць.
Да 1785 скончаны працы па будаўніцтве каменнага касцёла Святой Тройцы. На той момант у архітэктуры яшчэ не было вежы-званіцы, яе дабудуюць пазней - у 1818 годзе. Ёсць меркаванне, што праект храма распрацаваў прыдворны архітэктар Сапег – Самуэль Бекер, на рахунку якога мноства культавых аб'ектаў і збудаванняў (Сапегаўскі палац у Дзярэчыне, Ружанскі Версаль, касцёл у Ружанах).
Пасля паражэння паўстання 1830 года кляштар у Лыскаве закрылі, а пасля падзей 1863 года ліквідаваны і каталіцкі прыход. У 1866 годзе храм часткова перабудавалі і перадалі ва ўлонне праваслаўнай царквы.
У 20-ыя гады, 20 стагоддзя, будынак быў зноў вернуты каталікам. Пасля заканчэння вайны храм стаяў напаўзакінутым, аднак заставаўся цэлым, у адрозненне ад іншага касцёла, вядомага ў Лыскава як "Чырвоны".
Унутры храма часткова захаваўся стары роспіс і нават алтары, выглядае гэта сапраўды ўражліва.
Па сваёй архітэктуры Лыскаўскі касцёл- гэта незвычайная сумесь позняга барока і класіцызму. Дамінанта - высокая 4-ярусная вежа, упрыгожаная пілястрамі, аркамі і нішамі. Па баках будынка масіўныя сакрыстыі ў кожнай з якіх размяшчаўся алтар. Касцёл аднанефавы, але пабудаваны на вялікім падмурку, што толькі дадае яму нетыповасці.
Прыкладна ў 2010-11 гадах адноўлена агароджа вакол касцёла, а таксама ачышчаны брук.
На касцёльнай тэрыторыі знаходзіцца магіла Францішка Карпінскага– паэта, драматурга і яскравага прадстаўніка сентыменталізму.
Па суседстве ёсць яшчэ адно старое пахаванне - верагодна аднаго з ксяндзоў.
Знайсці гэтую славутасць не складзе вялікай працы, касцёл стаіць у самым цэнтры аграгарадка Лыскава, ніжэй кропка з размяшчэннем на мапе:
Калі будзеце ў гэтых краях, то раю паглядзець мемарыяльную калонуў Асошніках, а таксама з'ездзіць у Поразава.
