На вуліцы Савецкая, у горадзе Нясвіж, размешчана адна з самых цікавых і старадаўніх ратуш Беларусі, якую ўзвялі яшчэ на мяжы 16 і 17 стагоддзя. Вядома, што ў 1586 годзе горад атрымаў Магдэбургскае права, а праз 10 гадоў якраз пачалося будаўніцтва гэтай ратушы.
Сваё першапачатковае аблічча Нясвіжская ратуша мяняла на працягу ўсёй сваёй гісторыі, перабудоўваючыся і мадэрнізуючыся з-за шматлікіх пажараў і воін.
Аднак найбольшую шкоду нанёс пажар, які адбыўся ў 1836 годзе. Тады драўляная частка горада выгарэла дашчэнту, а ў агні былі знішчаны дзясяткі будынкаў, у тым ліку і ратуша. Пры аднаўленні не сталі адбудоўваць верхні ярус з-за чаго ратуша набыла форму якая чымсьці нагадвае збор.
Для жыхароў горада ратуша была галоўным месцам для вырашэння праблем і пытанняў. Вакол ратушы размяшчаліся гандлёвыя рады, склад зброі, вартаўнічая і іншае. Другі паверх быў прыстасаваны для магістрата і гарадскога архіва.
На вежы быў усталяваны гарадскі гадзіннік, а таксама знаходзілася назіральная пляцоўка. Па сваёй архітэктуры комплекс сумяшчаў архітэктуру барока і рэнесансу, дзе дамінантай заўсёды выступала масіўная вежа.
Пасля Другой сусветнай вайны ў сценах ратушы размясціўся раённы Дом Культуры. Крыху пазней - дом піянераў і школьнікаў з дзіцячай бібліятэкай.
Дзякуючы старажытным гравюрам, якія дайшлі і да нашых дзён, можна ўявіць першапачатковае аблічча ратушы, а на мяжы тысячагоддзя прынялі рашэнне аб рэстаўрацыі гістарычнага помніка.
Сёння ў сценах ратушы размешчаны музей-запаведнік "Нясвіж" і кафэ Салодкая батлейка.
Ад ратушы лёгка дабрацца да ўсіх асноўных славутасцяў Нясвіжа. Абавязкова наведайце Слуцкую Браму, Фарны касцёл і вядома палаца Радзівілаў.
За будынкам ратушы знаходзіцца яшчэ адна малавядомая славутасць Нясвіжа - дом рамесніка 18 стагоддзя.