Адна са славутасцяў Оршы - гэта былы дамініканскі касцёл 19 стагоддзі. Яго нетыповая архітэктура - гэта вынік некалькіх перабудоў пасля якіх знешні выгляд храма кардынальна змяніўся.
Гісторыя кляштара дамініканцаў пачынаецца яшчэ ў далёкім 17 стагоддзі. У Оршу манахаў запрасіў князь Геранім Друцкі-Сакалінскі, для якіх па яго даручэнні пабудаваны першы драўляны касцёл святога Юзафа Абручніка. Затым, ужо ў 1780 годзе, пачынаюцца работы па ўзвядзенні каменнага храма з рысамі барока і класіцызму.
Пасля паражэння паўстання 1830 года большасць каталіцкіх кляштароў на тэрыторыі сучаснай Беларусі зачыняліся. Выключэннем не стаў і аршанскі кляштар манахаў-дамініканцаў.
У канцы 19 стагоддзі вежы касцёла дэмантавалі, а да 1937 года храм ужо канчаткова зачынілі. Неўзабаве пачалася вайна і большая частка горада Оршы паўстала ў руінах.
У канцы 50-ых будынак капітальна перабудавалі і ў яго сценах пачаў працаваць Дом культуры будаўнікоў трэста нумар 23. Унутры ўладкавалі глядзельную залу на 360 месцаў і яшчэ балкон на 100 дадатковых, арганізавалі зоны для занятку творчасцю, адкрылі буфет і гардэроб. З боку апсіды дабудавалі адміністратыўную частку. Аднак, нягледзячы на ўсе гэтыя змены на фасадзе, усё яшчэ праглядаўся былы каталіцкі храм.
Вернікам будынак вярнулі на пачатку 90-ых.
Касцёл святога Юзафа знаходзіцца недалёка ад аршанскага замчышча, на вуліцы Савецкая 6.
Далей па вуліцы раней размяшчаўся францысканскі кляштар і касцёл святога Антонія. У Оршы будзе таксама цікава паглядзець этнаграфічны музей і калегіюм езуітаў.