Недалёка ад трасы якая злучае Новы Свержань і Нясвіж, ёсць невялічкая вёска – Новыя Навасёлкі. Тут можна паглядзець руіны касцёла на старажытных могілках. Разваліны добра відаць з дарогі, але мала хто прыме рэшткі гэтага будынка за былы касцёл, збудаваны яшчэ ў сярэдзіне 18 стагоддзя.
Асноўныя намаганні па будаўніцтву будучага касцёла ўзяў на сябе нясвіжскі ксёндз Трацкевіч. Прыкладам для будучага храма стаў касцёл у Нясвіжы.
Ужо ў пачатку 19 стагоддзі з гэтым храмам здарылася першае няшчасце - абвальванне даха.
Некалькі дзясяткаў гадоў будынак касцёла прыходзіў у заняпад, да моманту, калі з пасылу Расійскай Імперыі руіны касцёла не пераабсталявалі ў праваслаўны храм, вядома за кошт мясцовых жыхароў.
Ва ўлонне каталіцкай царквы ён вернуты ў 20-ыя гады 20 стагоддзя, але і гэты этап у гісторыі вёскі Новыя Навасёлкі не працягнуўся доўга.
З прыходам бальшавікоў ("аматараў архітэктуры і гісторыі"), у храме быў абсталяваны калгасны склад. Сёння руіны касцёла ганарліва ўзвышаюцца ў цэнтры старажытных могілак, нажаль запушчанага.
Старое агляднае відэа:
Ёсць лі верагоднасць што гэтае месца рэканструююць? Хутчэй за ўсё не, таму калі вас цікавяць падобныя славутасці Беларусі, то варта адправіцца паглядзець. Касцёл размешчаны ў вёсцы Новыя Навасёлкі, Нясвіжскі раён, Мінская вобласць: