Ад цэнтра Мінска да пасёлка Новае Поле на машыне можна дабрацца за паўгадзіны і атрымаць асалоду ад старадаўняга парку, а таксама сядзібы Друцкіх-Любецкіх. У 18 стагоддзі маёнтак у Новым Полі належаў Міхаілу Агінскаму, які ў 1794 годзе прадае гэтыя землі Іосіфу Сяляве. Якраз пры Сялявах і была закладзена драўляная сядзіба.
Да Друцкіх-Любецкіх сядзіба перайшла па жаночай лініі ад Сяляваў з прычыны шлюбу, прыблізна ў 1837 годзе.
Пры іх сядзіба была перабудавана і павялічана. З'явілася правае жылое крыло, а таксама левае з вежай (візітная картка сядзібы).
Агульная плошча маёнтка складала каля 16 гектараў, на тэрыторыі размяшчаліся розныя гаспадарчыя пабудовы. Да сённяшняга дня захаваўся сам сядзібны дом, а таксама каменная лядоўня (леднік).
Сядзіба ў пасёлку Новае Поле адносіцца да стылю класіцызм, у некаторых крыніцах згадваецца як правінцыйны класіцызм.
Незвычайным рашэннем можна лічыць 2 ганкі з массіўнымі порцікамі, якія абапіраюцца на вялізарныя калоны. Большая частка сядзібнага дома - аднапавярховая каменная пабудова.
Найбольшай увагі вартая левая частка сядзібы, пабудаваная пазней за ўсё - у канцы 19 стагоддзя. Вылучаецца франтальная вежка з гатычнымі элементамі і трыма паўкруглымі вокнамі, якая яскрава рэзаніруе з агульнай канцэпцыяй маёнтка Друцкіх-Любецкіх. На першым паверсе таксама знаходзяцца аналагічныя высокія вокны.
На месцы былой сядзібы Друцкіх-Любецкіх сёння размяшчаецца аграрна-эканамічны каледж. Там дзе знаходзіцца галоўны корпус - калісьці быў фруктовы сад і рэдкія віды дрэў.
Новае Поле - гэта сімбіёз савецкага падыходу і шляхецкай спадчыны, тут няма гармоніі, але і няма разрухі. Рухайцеся па трасе М6, не даязджаючы да Ракава трэба згарнуць на дарогу H8940, якая выведзе вас у цэнтр Новага Поля.
За некалькі кіламетраў ад пасёлка можна паглядзець капліцу-пахавальню Вішнеўскіх.
