У старажытным мястэчку Язна, размешчаным паміж двума маляўнічымі азёрамі ў балоты Ельня на поўначы Беларусі ў Міёрскім раёне, з'явіўся мураў, прысвечаны мясцовым славутасцям. Мурал стварыў мастак Сяргей Клімковіч па эскізе Дзяніса Ходаса. Ініцыятыва рэалізуецца Міёрскім райвыканкамам у партнёрстве з грамадскай арганізацыяй (АПБ) і Латвійскім сельскім форумам і фінансуецца Еўрапейскім саюзам.
- Пры распрацоўцы эскіза я ўлічыў пажаданні мясцовых жыхароў, - распавёў Дзяніс Ходас. - Яны хацелі адлюстраваць мясцовы каларыт, культуру, гісторыю, каб людзі, якія сюды прыязджаюць, звярталі на гэта ўвагу. Усіх захапіла ідэя стварыць мурал, і прапаноў па эскізе было шмат. Спыніліся на тых ідэях, якія перамаглі ў галасаванні.
Месца для мурала таксама выбралі адпаведнае: мясцовы Дом культуры, які знаходзіцца па адрасе вул. Лясная, 2.
- Мурал у Язна - гэта апошняя такога роду праца ў рамках праекта "Разам для супольнасці і прыроды: Міёрскі раён", - распавёў спецыяліст АПБ па развіцці турызму Сяргей Рэзаў. - Як і ва ўсіх папярэдніх муралах, сюжэт звязаны з месцам, дзе ён намаляваны. У Язна з'явілася прыгожая дзяўчына ў святочным мясцовым адзенні “Дысненскі строй”, які насілі ў паўночнай частцы Беларусі у 19 стагоддзі. Дзяўчына гуляе сярод яблынь, і гэта таксама не выпадкова: штогод у Язна праходзіць мясцовы фестываль “Яблычны Спас”. Надпіс “Язна” суседнічае з датай першай гістарычнай згадкі мястэчка. Ну і, вядома ж, нельга не заўважыць эмблему Міёрскага краю, таксама распрацаваную ў рамках праекту. Такім чынам, мурал уключае ў сябе элементы мінулага і сучаснага.
Падчас працы мастака жыхары з цікавасцю назіралі за працэсам, за тым, як з пачатковай разметкі з'яўляюцца рысы твару, фрагменты сюжэту, пачынае праяўляцца выява.
- Жыхары былі задаволеныя, потым нават пайшлі жарты, маўляў, дзяўчына нагадвае нечую жонку, – падзяліўся мастак Сяргей Клімковіч. - Для мяне быў прыемным гэты досвед супрацоўніцтва, мяне добра сустрэлі, само месца цікавае, раю ўсім яго наведаць.
Абавязкова скарыстайся гэтай парадай: пабывай у гасцінным Язна і ўключы ў маршрут падарожжа ў іншыя месцы з канцэптуальнымі мураламі, створанымі ў рамках праекта: Мёры, Пераброддзе, Дзісна и Павяцце.
