Абу Дабі - гэта горад які не такі багаты на гістарычныя славутасці, таму турысты ў асноўным аддаюць перавагу культурным і забаўляльным, да прыкладу галоўнаму музею сталіцы ААЭ - Луўру (Луўр Абу-Дабі). Размяшчаецца музей у навым раёне горада які сёння актыўна будуецца і завецца дарэчы культурны, - знаходзіцца на рукатворным востраве Саадыят.
Хоць сам раён яшчэ на этапе актыўнай будоўлі, будынак музея цалкам скончаны, і варта прызнаць - гэта сапраўды архітэктурны шэдэўр, на які цікава паглядзець нават звонку.
Праект музея пачалі рэалізоўваць у далёкім 2009 годзе, неаднаразова адкладаючы яго адкрыццё. Для ўсіх жадаючых, арабскі Луўр расхінуў дзверы ў 2017 годзе. Сам музей складаецца з вялікай сталай экспазіцыі, у якую ўваходзяць 12 залаў на розныя тэмы: ад першых паселішчаў людзей і да сучаснага мастацтва.
Таксама Луўр у Абу Дабі прапануе часовыя выставы, на момант майго наведвання – гэта калекцыя біблій з усяго свету, а таксама гісторыя і зараджэнні пісьменства.
Асаблівае задавальненне - гэта прагуляцца па тэрыторыі комплексу, якая сама па сабе музейны экспанат. Тут і архітэктурныя формы, складанае натуральнае асвятленне, зоны адпачынку і шматлікае іншае.
Музей крыху заблытвае сваёй навігацыяй, тут даволі лёгка заблудзіцца таму не саромейцеся задаваць пытанні супрацоўнікам.
Уваходны квіток можна набыць праз спецыяльныя аўтаматы на ўваходзе па картцы, альбо за наяўныя грошы на касе. Кошт квітка - 68 дырхамаў.
Зручна будзе купіць білет загадзя онлайн праз розныя сэрвісы, што дапаможа крыху зэканоміць:
актуальныя кошты глядзіце тут і вось тут
На ўваходзе ў Луўр даглядаюць сумкі, а таксама просяць здаць на захоўванне заплечнікі, ваду і курткі.
Вядома па колькасці экспанатаў Абу Дабі саступае свайму "субрату" з Парыжа, але і тут вы ўбачыце шэдэўры сусветнага мастацтва. Для мяне было прыемна знайсці некалькі прац віцебскага мастака - Марка Шагала.
Дабрацца да музея прасцей за ўсё на таксі, альбо замовіўшы трансфер ад экскурсійных агенцтваў. Ёсць бюджэтны варыянт - грамадскі транспарт, да Луўра ходзіць аўтобус 94, кошт праезду складзе 2 дырхамы. Ніжэй кропка з размяшчэннем славутасці на мапе:
Паглядзіце водгук на недарагі гатэль каля пляжу і варыянты як дабрацца ў Дубай.
