Аграгарадок Сноў – унікальнае месца з вялізным турыстычным патэнцыялам. Тут ёсць палац у архітэктуры класіцызму, старадаўняя сядзіба, касцёл и царкву. Але і на гэтым цікавыя аб'екты не заканчваюцца. У Снове захаваліся польскія казармы, якія пабудавалі ў 30-ых гадах, 20 стагоддзя.
Апошні прадстаўнік роду Рдултоўскіх прадаў маёнтак польскаму Корпусу памежнай аховы. 1925 годзе. Палякі адрэстаўравалі палац, які значна пацярпеў падчас Першай сусветнай вайны. У яго сценах размясцілася адміністрацыя, афіцэрскае жытло і нават казіно. Аднак пляцаў відавочна бракавала.
Так бліжэй да 1928 года пачалося будаўніцтва казармаў (частка будынка ў форме літары "Г"). Да 1937 года дабудаваны і ваенны лячэбны корпус (больш высокая частка).
Пасля заканчэння ВАВ, сядзібу і казармы занялі ўжо савецкія вайскоўцы. Прызначэнні будынкаў яны не мянялі. Як і раней у Снове функцыянаваў ваенны шпіталь.
Пасля 2014 года карпусы перасталі выкарыстоўваць, вывезлі ўсё каштоўнае, а пабудову закансервавалі. Пачынаючы з 2015 года было некалькі спробаў прадаць спадчыну Рдултоўскіх. Апошні аўкцыён адбыўся ў 2021 годзе, улетку. Па інфармацыі з адкрытых крыніц - паспяхова.
На здзіўленне стан гэтага аб'екта больш за здавальняюча. Яго нават складана назваць закідкай. Відаць што былыя польскія казармы ў Снове дагледжаны і ахоўваюцца ад вандалаў.
Кашары і ваенны шпіталь знаходзяцца адразу за палацам Рдултоўскіх. Зручней за ўсё прыпаркавацца каля дома па вуліцы Нясвіжская 2 і прайсціся пешшу.
Што яшчэ паглядзець у гэтым рэгіёне? Недалёка ёсць цікавая вёска Вялікая Ліпа. У ёй захавалася ўнікальная брама-стайня Абуховічаў.
