Адным з самых папулярных і турыстычных гарадоў Беларусі па праве лічыцца Гродна. Тут дзясяткі гістарычных помнікаў архітэктуры, мноства музеяў, пешаходныя маршруты на любы густ, а таксама вузкія вулачкі і душэўная атмасфера з багаццем добрых кафэ. Усё гэта з'яўляецца безумоўным плюсам і прыцягвае людзей у горад, але і стварае падвышаны попыт на кароткатэрміновую арэнду кватэр. Часцяком, каб знайсці месца дзе спыніцца ў Гродне на выходныя, даводзіцца пратэлефанаваць дзясяткі нумароў уладальнікаў жылля. Тым хто тэлефанаваць не вельмі жадае - застаецца невялічкі выбар, у анлайне асартымент кватэр даволі сціплы. У гэтым артыкуле пакажу цікавы варыянт апартаментаў з даступным коштам (у параўнанні з гатэлямі і іншымі кватэрамі), які знахоздіцца на вуліцы Элізы Ажэшкі.
Кампактная студыя знаходзіцца ў невялікім двухпавярховым доме. Агульны калідор на 4 аднолькавыя нумары і вы трапляеце ў сваё кароткачасовае жыллё ў Гродне. Для пастаяльцаў прадастаўляецца прасторны дуплекс, дзе на першым паверсе размешчана міні кухня з усім неабходным абсталяваннем, канапа, тэлевізар і туалет.
Быў заўважаны Wi-Fi з устойлівым сігналам, тэлевізар з падлучаным інтэрнэтам і сэрвісам IVI. У туалеце чыстыя ручнікі, душ, фен і ўсе патрэбныя дробязі накшталт шампуня і мыла, а ў агульным калідоры выяўлены прас і прасавальная дошка.
На імправізаваным другім паверсе - спальнае месца на 2 персоны.
Па засяленні і высяленні пытанняў не было, тут усё па класіцы (заезд пасля 14:00, выезд да 12:00), аплата па курсе склала 85 рублёў (29$). У Гродне дастаткова высокія цэны на арэнду кватэр і нумароў у гатэлях, таму знайсці добры варыянт у крокавай даступнасці ад цэнтра праблематычна.
На выхадзе з дому ёсць добрая карчма “Дранік”, дзе гатуюць розныя дранікі – выдатны варыянт на абед ці вячэру, а паснедаць можна ў суседняй кавярні “Булка”. У 100 метрах ад апартаментаў размяшчаецца музей Элізы Ажэшкі, крыху далей Дом Масонаў, Гарадзенская кірха, парк Жылібера. Да асноўных славутасцяў пешшу ісці каля 10 хвілін.
Праверыць цану на гэтую студыю пад дату вашай паездкі паспрабуйце тут. Больш варыянтаў кватэр па спасылцы. Ніжэй кропка з размяшчэннем арэнднага дома на мапе:
Раю таксама паглядзець падборку незвычайных і малавядомых славутасцяў Гродна.
