Старадаўні горад Навагрудак багаты не толькі на славутасці, але і на цікавыя падзеі, у тым ліку кінематаграфічныя. Горад неаднаразова станавіўся здымачнай пляцоўкай для самых розных фільмаў, адзін з якіх "Пані Марыя", які выйшаў у 1979 годзе. Менавіта з гэтага кінафільма сабраў для вас кадры, на якіх можна ўбачыць Наваградак такім, якім ён быў 45 гадоў таму.
Па сюжэце фільма, падзеі разгортваюцца ў 1944 годзе, а адна з галоўных лакацый - хата мясцовай дзяўчыны, размешчанная каля легендарнай Замкавай гары (дом не захаваўся).
Зусім нядзіўна, што ў “Пані Марыя” хапае ракурсаў з руінамі замка, Фарным касцёлам, а таксама цэнтральнай часткай Навагрудка.
З большага "кіношны" Навагрудак не моцна змяніўся, але ёсць і што адзначыць. Так, напрыклад, у фільме можна ўбачыць руіны Касцельнай вежы яшчэ без спрэчнай рэканструкцыі.
Хапае кадраў са старой радавой забудовай, якая з цягам часу грунтоўна зменіцца.
У канцы фільма “Пана Марыя” з'яўляецца і яшчэ адна славутасць Беларусі – Мірскі замак. У 80-ых аб аднаўленні замка яшчэ нават не думалі, таму перад намі паўстаюць масіўныя руіны.
Рэкамендую таксама паглядзець на кадры Мінска з кінафільма "Праз могілкі" 1964 года і зірнуць на горад Іўе ў фільме 1982 года “Чужая бацькаўшчына”.
