Калісьці Дзярэчын, Зэльвенскага раёна, быў фамільным маёнткам і адной з галоўных рэзідэнцыяй шляхетнага роду Сапегаў. Тут жа размяшчаўся і класічны палац з масіўным 8-калонным порцікам, будаўніцтвам якога займаўся Аляксандр Міхаіл Сапега (вядомы дзеяч і канцлер ВКЛ з Ружан). Аднак першапачаткова планавалася, што будынак стане ваеннай акадэміяй для вядомых сыноў вышэйшых чыноўнікаў. Але падзеі канца 18 стагоддзя (падзелы Рэчы Паспалітай) унеслі моцныя карэктывы і ў выніку пампезны будынак стаў домам для старэйшага сына Міхаіла - Францішка і яго маладой жонкі Пелагеі Патоцкай. Пры іх з аднаго боку маёнтак квітнеў - з'явіўся парк, пашыраны палац, а з другога - Францішак Сапега часта з'яжджаў з Дзярэчына і не клапаціўся захаваннем бацькоўскага багацця. Пры гэтым са сваіх вандровак прывозіў старажытныя кнігі, скульптуры і розныя калекцыйныя рэчы.
Усе складаныя выбары і цяжкія часы выпалі ўжо на долю яго сына - Яўстафія. За падтрымку і актыўны ўдзел у паўстанні 1830-1831 гадоў маёнтак Дзярэчын разам з палацам і ўсімі рэліквіямі Сапегаў канфіскаваны. Пасля мноства артэфактаў і каштоўнасцяў усплыве ў Піцерскім музеі Эрмітаж, куды іх вывозілі па загадзе імператара. Будынак палаца аддадуць пад патрэбы вайскоўцаў - тут размесціцца лазарэт на 100 месцаў, а самім маёнткам пачнуць кіраваць стаўленікі Мікалая I.
Захавалася даволі падрабязнае апісанне Сапегаўскага палаца: аднапавярховы, складаўся з 22 асобных пакояў, багата ўпрыгожаны і дэкараваны. Да асноўнага аб'ёму прымыкаў двухпавярховы корпус у якім па ўсёй бачнасці размяшчаўся сапраўдны тэатр. Будаўніцтвам займаўся прыдворны архітэктар Сапег - Самуэль Бекер, на яго рахунку не толькі рэзідэнцыя ў Ружанах, але і мноства іншых культавых збудаванняў на тэрыторыі Беларусі.
Гісторыя палаца ў канцы 19 - першай палове 20 стагоддзя дастаткова туманная. Незразумела пад якія патрэбы выкарыстоўвалі будынак у тый перыяд. Судзячы па старых здымках з 1930 па 1939 гады пабудова была закінутая і патроху разбуралася.
З улікам таго як моцна Дзярэчын пацярпеў падчас Другой сусветнай вайны, ёсць усе падставы меркаваць, што да 1945 года палаца ўжо не было, альбо заставаліся толькі руіны.
У Дзярэчыне вырашылі не забывацца на мінулае і некалькі гадоў таму зрабілі “Сапегаўскі” парк – акультурылі тэрыторыю, усталявалі разьбяныя скульптуры і інфармацыйныя шыльды.
У самім аграгарадку ёсць і невялікі музей, дзе можна больш падрабязна даведацца пра гэта мястэчка з 600-гадовай гісторыяй.
На тэрыторыі парку ёсць 2 курганы, адзін як пісаў вышэй прысвечаны палацу Сапегаў, а другі кляштару дамініканаў, які размяшчаўся па суседстве.
Указаць дакладнае месца дзе знаходзіўся палац складана, як мяркую, вось тут:
У Дзярэчыне можна таксама паглядзець праваслаўны храм і касцёл Унебаўзяцця Дзевы Маріі, а на ўездзе - старадаўняе габрэйскія могілкі. У аграгарадка выдатнае месцазнаходжанне, недалёка цэлых два цікавыя турыстычныя пункты – Слонім і Дзятлава.
