У невялічкай вёсачцы Дуброва знаходзяцца руіны касцёла Унебаўзяцця Дзевы Марыі. Датай пачатку будаўніцтва храма лічыцца 4 лютага 1796 года, калі ўладальнік гэтых земляў - Адам Хмара, заклаў новы каменны касцёл. Працы скончылі ў 1805 годзе.
Руіны касцёла ў Дуброва
Як і большасць каталіцкіх храмаў, касцёл у Дубраве зачынілі ў 1863 годзе. Праз некалькі гадоў, у 1868 годзе, перарабілі ў праваслаўную царкву.
Касцёл вярнулі каталікам у 1919 годзе. Да яго рэстаўрацыі прыступілі ў 1926 годзе, працэс заняў каля 4 гадоў.
Пасля Другой сусветнай вайны, дуброўскі касцёл зачынілі і ён стаў паціху ператварацца ў руіны.
Унутраныю прастору касцёла актыўна захопліваюць дрэвы, якія па вышыні ўжо не саступаюць калонам.
Па гісторыі мясцовых жыхароў, дах і драўляныя рамы знішчыў пажар у 1980 годзе. Накшталт як не без удзелу менскіх студэнтаў, якія прыехалі на працу ў гэтую вёску.
Знайсці касцёл не складзе вялікай працы. Храм з'яўляецца дамінантай вёскі Дуброва і добра бачны здалёк.
З цэнтральнай асфальтаванай вуліцы вам трэба з'ехаць на грунтавую Касцельную, тут і размешчаны храм.
Побач знаходзіцца вёска Яршэвічы, у ёй можна паглядзець на класічную царква-мураўёўка 1863 года. Больш цікавага аб Беларусі.