Дзякуючы фільму “Чужая бацькаўшчына”, які выйшаў у 1982 годзе ў нас ёсць магчымасць паглядзець на горад Іўе такім якім ён быў падчас здымак. Ніжэй скрыншоты, зробленыя з самага кінафільма.
Каб апазнаць Іўе дастаткова было ўбачыць кадры знятыя на галоўнай вуліцы горада, тут і радавая забудова канца 19 - першай паловы 20 стагоддзя, і вядома касцёл Святых Пятра і Паўла.
У фільме ёсць некалькі сцэн, падзеі якіх разгортваюцца ля касцёла, на іх відаць брама з агароджай, будынак кляштара і сцены самога храма.
Адкрываецца краявід і на вуліцу Камсамольская, дзе віднеецца яшчэ не адноўлены вадзяны млын.
Вось мосток цераз раку Івянка і будынак млына, але ўжо паблізу.
Кіно “Чужая бацькаўшчына” знята паводле аднайменнага рамана Вячаслава Адамчыка, у якім падзеі разгортваюцца ў перыяд Міжваеннай Польшчы. Ніжэй ёсць спасылка на сам фільм:
